A Vicepresidenta Segunda, Lara Méndez, e a Alcaldesa de Viveiro, María Loureiro, xunto ao Deputado de Economía do Coñecemento, Emprendedores e Innovación, Alfredo Llano, presentaron este xoves novas obras para a posta en valor do casco histórico viveirense. Trátase da mellora do pavimento e da dotación de servizos no treito comprendido entre a Avenida de Cervantes e a Praza Juan Donapetry. Este venres, a Xunta de Goberno Provincial aprobará estas actuacións, dotadas de 470.000 euros da Deputación. Teñen un prazo de execución de 5 meses, polo que se comezarán a executar despois da Semana Santa, para non entorpecer esta multitudinaria cita de interese turístico internacional. A vindeira semana, iniciarase a tramitación dos permisos legais para poder realizalas, que deberán conceder Patrimonio e a Confederación Hidrográfica do Cantábrico.
Estes traballos complementan os do plan para a maior reordenación do tráfico rodado en Viveiro das últimas décadas, financiado con 185.000 euros do organismo provincial; así como a dotación dun parque ambiental fronte á cafetería Atlanta, moi preto do casco histórico, que tamén serán adxudicados na Xunta de Goberno Provincial de mañá, por valor de 102.814 euros. A vindeira semana, comezaránse a executar estes dous últimos proxectos, que estarán rematados para a Semana Santa.
Lara Méndez subliñou que “con estes 3 plans –reordenación do tráfico, parque ambiental e melloras entre a Avenida de Cervantes e Praza Juan Donapetry-, a Deputación inviste preto de 800.000 euros na transformación de Viveiro para acadar unha localidade, que recibe miles de visitante e é un referente turístico, máis confortable, atractiva e moderna”. María Loureiro agradeceu á Vicepresidenta e ao Deputado, ambos os dous da Mariña, “a colaboración e implicación da Deputación co Concello de Viveiro, olvidado por outras administracións”.
Novas actuacións
As obras entre a Avenida de Cervantes e a Praza Juan Donapetry consistirán na reposición integral do firme da estrada LU-P-6605 e das zonas peonís da súa contorna con pedra granítica; mellora da rede de saneamento; restitución do alumeado público (situaranse iluminarias ao longo do vial, que serán tipo lead para un menor consumo); canalización dos servizos para o suministro eléctrico e de telefonía (pasarán a estar soterrados, mellorando a imaxe visual); dotación de mobiliario urbano (bancos, papeleras, xardineiras…) e zonas verdes para humanizar a zona; e soterramento dos colectores de lixo. Unha vez finalizadas estas actuacións, levarase a cabo a modificación do sentido de circulación dos vehículos. A rúa terá sentido único de circulación cara arriba, co que se pretende minorar o tráfico rodado e evitar retencións.
Plan de reordenación do tráfico
As actuacións do plan de reordenación do tráfico, que se iniciarán a semana próxima, comprenden sete zonas diferenciadas. A primeira delas correspóndese co cruce de Verxeles, que dá acceso á ITV e á estación de ferrocarril, onde se creará unha rotonda que permita xirar a vehículos pesados. Na segunda destas zonas, o cruce de acceso ao casco histórico dende Verxeles, crearase outra rotonda que permita regular o tráfico e o acceso ao casco histórico. Tamén se actuará na zona próxima á Misericodia, reducindo as dimensións da rotonda e as beirarrúas existentes para mellorar a maniobrabilidade dos vehículos e cambiando a ubicación actual do paso de peóns. No tramo comprendido entre a Ponte da Misericordia e a rotonda da oficina de turismo, aumentarase a dimensións das beirarrúas, soterraranse contenedores de lixo e crearase unha zona de carga e descarga. Nesta mesma zona, tamén se reconfigurará a entrada e saída dos vehículos: a entrada realizarase fronte á praza de abastos e a saída pola rotonda da oficina de turismo, cambiarase a ubicación dos pasos de peóns e instalaranse novos semáforos. Na zona da Cruz Roxa, tamén se reubicará o paso de peóns cara a saída da ponte e se mellorará a sinalización horizontal e vertical. Finalmente, entre a praza de Lugo e a porta de Carlos V, quedará cun só carril en dirección Celeiro. Deste xeito, o espazo do carril eliminado será empregado para crear prazas de aparcamento para o casco histórico. Estas actuacións irán acompañadas de modificacións na sinalización horizontal e vertical en todas estas zonas
Parque Ambiental
O proxecto do parque ambiental, cuxas obras tamén se porán en marcha a vindeira semana, consiste, por un lado, na eliminación da zona infantil existente ao fondo do paseo marítimo, a escasos metros da Avenida de Ferrol que rexistra moito tráfico, e no acondicionamento deste espazo verde. Ademais, inclúe a instalación dunha nova dotación noutra zona do paseo marítimo máis céntrica e próxima ao casco histórico, polo tanto, máis segura; de maiores dimensións, con novos aparellos para nenos, cun rocódromo, 400 metros de caucho continuo e carteles informativos sobre a riqueza medioambiental da zona.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
