RIBADEO, 13 DE FEBREIRO DE 2015.- A agrupación socialista de Ribadeo, da man do seu secretario Xeral –Víctor López Pérez- presentou este venres a Roberto Ramos Piñeiro como candidato do PSOE á alcaldía ribadense. Neste senso, o responsable da executiva agradeceu publicamente a disposición mostrada polo alcaldable, ao tempo que indicou que se trata “dun gran candidato que destaca por ser traballador, emprendedor e por ter unha gran ilusión por traballar por e para Ribadeo”.
Roberto Ramos, tal como manifestou Víctor López, conta co apoio da dirección do PSOE provincial, é dicir, de Juan Carlos González Santín, e da galega, que lidera José Ramón Gómez Besteiro. A súa elección foi aprobada “de forma unánime e democrática” no día de onte pola executiva local.
Trátase dun recoñecido empresario que chega á política coa vontade “de sumar e de traballar dende o respecto e a responsabilidade, e coa esperanza de aglutinar os intereses da esquerda nun proxecto común, de futuro, real e solvente”. Neste senso, manifestou o seu compromiso de elaborar “un proxecto aberto e transparente”. “Convido a todos os que queiran arrimar o ombreiro, aportar e traer na súa mochila unha clara vocación de servizo”, indicou.
“Un equipo volcado cos cidadáns”
Deste xeito, subliñou que “será unha alternativa de goberno real, que satisfaga os intereses dos nosos veciños. Non vai a ser unha persoa, senón un equipo, un traballo conxunto e coordinado. Seremos a voz de todos os grupos e de todos sectores parroquiais e sociais. Un equipo volcado cos cidadáns”, sentenciou.
“Unha forma de gobernar distinta”
Coa súa elección, abrése así, unha nova etapa, “na que contaremos con todos e pisaremos a rúa para coñecer os problemas e necesidades dos nosos veciños”. Para elo, ofrece “traballo intenso” porque existe, dixo, “unha forma de gobernar distinta”.
Datos do candidato
Roberto Ramos Piñeiro naceu en Lugo, pero leva 20 anos en Ribadeo. Ten 45 anos. É licenciado en Ciencias da Actividade Física e o Deporte pola Universidade de A Coruña, ademais de socio fundador de distintas empresas que desenvolven a súa actividade tanto no municipio mariñano como noutras zonas de Galicia, en Asturias, Cantabria, País Vasco, Valencia, Castela e León e Madrid, e que están vinculadas directamente coa xestión e construción de instalacións deportivas. Está casado e ten tres fillos.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
