O CD Burela FS Pescados Rubén presentou onte pola tarde a Iván Cao Valle, máis coñecido como Lucas, como novo adestrador do equipo de Primeira División RFEF ata finais de tempada. Coa presenza do presidente, Manuel Blanco, e o vicepresidente, José Luis Sáez, o novo técnico, ata esta semana á fronte do filial masculino de Terceira División, amosouse moi ilusionado coas novas responsabilidades: “Para min é un gran reto. Agradezo esta posibilidade que me está dando o club; é miña primeira grande oportunidade á fronte dos bancos e quero responder á confianza que deposita en min coa máxima ilusión”, comentou o focego, de 33 anos, na súa posta de gala.
Os directivos laranxas avalaron as novas obrigas de Lucas. “É un profesional da casa con ampla experiencia en todas as categorías da nosa estrutura” explicaba Manuel Blanco, destacando que “con esta aposta recuperaremos ganas e ilusión para seguir loitando e traballando cun gran bloque con marxe para seguir evolucionando”.
Duelo irmandiño de altura
O CD Burela FS Pescados Rubén estreará adestrador en liga cun duelo irmandiño de altos voos. As laranxas, pechando o podio (37 puntos), visitarán mañá a pista do segundo clasificado, Cidade das Burgas (42); o derbi arrincará ás 17.00 horas, no pavillón ourensán dos Remedios.
As burelistas enfróntanse a un rival ao que sucumbiron na primeira volta, con 0-5 en Vista Alegre, e ao que se impuxeron máis recentemente nas semifinais da Copa Galicia (1-2). “Será un partido complicado. O Cidade é un rival con xogadoras moi boas individualmente, como Iria e Vanessa, ademais dese plus de ímpeto tan importante en calquera grupo que achega Lucía” analizaba o novo adestrador.
Á fronte do equipo dende o mércores, Lucas encara a cita galega cun “bloque que me demostrou moitas ganas e moi boa resposta durante os poucos adestramentos desta semana”. O técnico irradia confianza e optimismo, o principal acicate, baixo a súa perspectiva, para recobrar a boa liña nos resultados, comezando polo compromiso de Ourense: “Confío nas novas ilusións para facer fronte a un gran rival. Temos que aproveitar esta nova dinámica, estes novos aires para facernos co encontro; aposto por un grupo intenso, sen deixar marxe de movemento ao rival, cunha defensa solidaria e verticalidade en ataque” definía así Lucas, con estas pequenas pinceladas, o proxecto burelista baixo a nova batuta.
Convocatoria Burela FS Pescados Rubén: 1. Jozi, 3. Cristina, 5. Claudia, 7. Peque, 9. Gaby, 10. Lara, 11. Kiko, 17. Maite, 14. Bea Mateos, 18. Shiori, 19. Paula, 20. Tainã.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
