O Burela FS Pescados Rubén recibirá mañá o Móstoles FSF ás 18.30 horas. A 19ª xornada de Primeira División RFEF será o primeiro encontro de Iván Cao, Lucas, en Vista Alegre á fronte do equipo mariñán: “A medida que se achega o momento van aparecendo os nervios por ver desde o banco o grande ambiente de Vista Alegre nos partidos de Primeira, pero supoño que unha vez que soe o asubío inicial todo desaparecerá; a miña experiencia sobre a pista indícame que despois a concentración só se centra no que pasa no campo de xogo” explicaba con emoción o técnico formado na estrutura burelista.
Desde a terceira praza, con 40 puntos, o Burela FS recibirá ao oitavo clasificado (25 puntos), que vén de empatar co líder, Atlético de Madrid Navalcarnero (3-3) e que conta con Patri Chamorro como a súa grande arma “sobre a que o equipo basee o seu xogo”, indicaba Lucas. “Creo que se mantemos esta actitude e a intensidade demostrada en Ourense, unida á boa defensa, podemos sacar un bo resultado mañá” adiantaba o focego recordando a vitoria da súa estrea a semana pasada na pista do Cidade Burgas (2-3).
A única ausencia será Patri, que continúa co proceso de recuperación tras a intervención de menisco.
Na primeira volta, as burelistas impuxéronse a domicilio 2-4.
Convocatoria Burela Pescados Rubén: 1. Jozi, 3. Cristina, 5. Claudia, 7. Peque, 9. Gaby, 10. Lara, 11. Kiko, 14. Bea Mateos, 17. Maite, 18. Shiori, 19. Paula, 20. Tainã.
Podio
Con dous puntos máis que as laranxas, o Cidade das Burgas defenderá a segunda praza na complicada pista do UA Alicante, cuarto. Unha xornada máis accesible a priori terá o líder madrileño (48), coa visita do undécimo, Viaxes Amarelle.
*Foto: A Caixa Escura Produccións.
A celebración está organizada pola asociación cultural Ourofest coa colaboración do Concello do Valadouro e conta co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
