Lugo 22 de febreiro de 2015.- O Grupo Provincial do Partido Popular vén de rexistrar unha pregunta para a súa resposta no pleno da Deputación, que se celebrará o próximo martes, e a través da que pide ao presidente da institución, José Ramón Gómez Besteiro, que dea explicacións aos lucenses sobre o procedemento de contratación dado na Escola de Piragüismo.
Os populares consideran que o máximo responsable da Deputación non se pode manter agochado ante situacións como a feita pública en torno á contratación de traballadores na Escola de Piragüísmo (xestionada por Suplusa, órgano dependente da administración lucense), nas que “o traballo se herda entre responsables nacionalistas, sen existir un proceso de contratación público”.
Dende o Grupo Provincial do Partido Popular esixiranlle a Besteiro que aclare aos lucenses o proceso seguido xa que a imaxe xerada é a da utilización da institución como “axencia de colocación de persoas afíns ao PSOE ou ao BNG” e, no caso, “de non poder contratar estas persoas na propia Deputación, faise en organismos paralelos”.
Un proceso “cando menos sorprendente”
A Sociedade Urbanística Provincial de Lugo (Suplusa) é o ente responsable de xestionar a Escola de Piragüismo, e como tal, no 2010 saca a provisión dúas prazas de técnicos deportivos. No 2012 un destes técnicos renuncia, poñéndose en marcha un novo proceso de contratación, publicado no BOP de 13 de novembro de 2012.
A praza convocada como de técnico de deportes é recorrida polo Colexio Oficial de Licenciados en Educación Física e Ciencias da Actividade Física, alegando que os requisitos de titulación establecidos nas bases non se axustaban á praza convocada, segundo o establecido na Lei 3/2012 do Deporte de Galicia.
O citado recurso é admitido a trámite, pero as bases non se modifican para requirir a titulación axeitada, só se cambia a categoría da praza, que inicialmente era técnico en deportes e se converte finalmente en oficial de mantemento. No proceso sae seleccionado Rubén Arrojo Fernández, responsable ata decembro do ano pasado de Galiza Nova en Lugo e actual candidato á alcaldía en Lugo polo BNG, que previamente xa estivera contratado na Fundación Balogal.
Rubén Arrojo abandona o posto de traballo en xaneiro deste ano e, sen proceso de contratación, que xustifican en razóns de urxencia, é relevado no posto por Adrian Jato Quintas, actual responsable de Galiza Nova en Lugo.
Así, os populares aseguran que “cando menos é sorprendente tanto o procedemento seguido na convocatoria da praza do 2012, como a substitución nos cargos que se deu este ano”.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
