Santiago, 04 de febreiro de 2015.- O voceiro do Mar do Grupo Parlamentario Popular, Jose Manuel Balseiro defendeu a utilidade do plan de xestión do polbo posto en marcha pola Xunta de Galicia, en colaboración coas confrarías galegas, e lembrou que ten permitido na última campaña -segundo datos oficiais – incrementar tanto o número de capturas, como os prezos medios e o número de descargas.
Os populares non están de acordo con que o plan de xestión do polbo implantado obtivera uns malos resultados, como aseguran desde a oposición, polo que rexeitaron a iniciativa do PSOE para o seu cambio.
“Máis ben todo o contrario” e, lembrando os datos oficiais ofrecidos polo Servizo de Análise e Rexistros da Consellería, namentres na campaña de 2013-2014 se descargaron en lonxa 946.119 Kg de polbo, esta cifra aumentou na campaña de 2014-2015 ata o 1.258.675 Kg, o que supón un aumento do 33% con respecto ao ano anterior.
Tamén existiron cifras positivas en canto ao seu valor, pasando de 4.242.777 euros en 2013 aos 6.846.265 euros en 2014. “Por tanto, non é certo que se teña producido unha baixada de capturas e prezos, senón máis ben todo o contrario”- indicou Balseiro.
Balseiro lembrou que o plan de xestión se adoptou tras comprobar que a situación do cefalópodo non era satisfactoria dende o punto de vista biolóxico e da rendibilidade da pesqueira, e que se están cambiando esta tendencia.
Ademais salientou que o plan foi dialogado co sector a través de varias xuntanzas coas Federacións provinciais de confrarías e que as demandas fundamentadas foron aceptadas e incorporadas ao plan, que está sempre aberto a novas melloras.
FURTIVISMO
Os populares tamén defenderon o compromiso da Consellería do Medio Rural e do Mar coa loita contra o furtivismo e nese senso salientou que o incremento da vixilancia ten permitido aumentar o número de nasas incautadas e de aparello.
NÚMERO DE NASAS INCAUTADAS (pulpo, nécora e camarón)
– 11.859 no ano 2014
– 13.797 no ano 2013
APARELLOS TOTAL:
– 19.355 no ano 2014
– 20.852 no ano 2013
Este trámite vai dirixido ás familias que presentaron a solicitude de praza durante o período de preinscrición, e deberá completarse de forma presencial nas instalacións da escola municipal. O prazo estará aberto ata o luns 2 de xuño. Lémbrase que a formalización da matrícula é imprescindible para confirmar a admisión do neno ou nena. Ademais, as familias que non solicitaran praza no seu momento poden achegarse ao Departamento de Servizos Sociais do Concello, onde poderán recoller o impreso correspondente.
Estivo organizado pola Asociación Cultural e Artesanal de Mulleres Palilleiras "As Encaixeiras" e contou co apoio do Goberno galego. O porto de Burela foi o escenario no que as palilleiras convocadas amosaron o seu traballo ás persoas que se achegaron. O programa incluiu tamén degustación de empanada de pescada e visitas ao Monte Castelo e á igrexa da Vila do Medio, así como actividades infantís de pintacaras e globoflexia, entre outras.
Con motivo desta celebración, acercouse ao seu domicilio a alcaldesa, Efigenia Maseda, como representante do Concello, para agasallalo cunha cesta de produtos variados. A alcaldesa afirma que “cumprir 103 anos é algo excepcional e merece todo o recoñecemento do Concello”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
