Lugo, a 19 de marzo de 2015.- A delegada territorial, Raquel Arias, visitou este xoves o Centro de Formación Ocupacional de Viveiro e entregou os diplomas dos cursos incluídos no programa de Accións Formativas para Desempregados que se impartiron durante os últimos meses, nos que a Consellería de Traballo e Benestar investiu 283.000 euros.
Arias lembrou que xa está en marcha a programación de 2015, que de momento contempla para este centro tres cursos que comezan este mes: os de operacións de fontanería, calefacción e climatización doméstica; montaxe e reparación de sistemas microinformáticos, e mecanizado por arranque de labra. Tamén está adxudicado o curso de creación e xestión de microempresas, que se impartirá a partir de xullo.
A programación para o centro de Viveiro, que xestiona directamente a consellería, completarase nas vindeiras semanas e suporá un investimento superior aos 350.000 euros.
Igualmente, irase configurando a programación dos outros centros da consellería xunto coa que se deseña en colaboración con concellos, axentes sociais, empresas e outras entidades da provincia. Durante o pasado ano, as accións formativas para desempregados sufragadas pola Consellería de Traballo e Benestar beneficiaron a preto de 2.200 persoas, que participaron nos 145 cursos impartidos nos distintos municipios. A Xunta destinou a esta medida case 7,5 millóns de euros na provincia.
Polo que respecta ao centro de Viveiro, impartíronse en concreto cinco cursos: mecanizado por arranque de labra, de 638 horas de duración; montaxe e reparación de sistemas microinformáticos (510 horas); docencia da formación para o emprego (380); creación e xestión de microempresas (520 horas) e operacións de fontanería e calefacción-climatización doméstica (480 horas). Hoxe recibiron o preceptivo certificado 62 alumnos.
Este tipo de cursos, segundo explicou a delegada territorial, teñen como obxectivo a reciclaxe dos traballadores que se atopan desempregados para que, canto antes, poidan acadar a súa reinserción no mercado laboral. “É por esta razón pola que se fomentan accións formativas nos sectores que presentan unha maior capacidade para xerar emprego por conta allea ou autoemprego, e que cumpren ademais o fin de mellorar ou reorientar a cualificación profesional dos que participan nelas”, explicou.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
