A Vicepresidenta Segunda, Lara Méndez, presentou este mércores, nun acto que tivo lugar no Salón de Actos do Pazo de San Marcos, e que contou coa participación de preto dun cento de asociacións procedentes de toda a provincia, a nova ferramenta web, totalmente gratuíta, que a Deputación vén de poñer en marcha para elas: AsociaLugo.
Este novo portal web, que a Deputación convertirase nunha ferramenta que ofrecerá grandes vantaxes prácticas ao tecido asociativo lugués, será a primeira web que servirá como punto de encontro no que estas poderán darse a coñecer, poñerse en contacto entre elas e sacar proveito das súas experiencias. Esta iniciativa está cofinanciada ao 80% por fondos europeos FEDER, a través do programa InnovaTE-2: Deputación Dixital.
A Vicepresidenta, que estivo acompañado polo Director de Fondos Europeos da Deputación, Pablo Rivera, destacou que “os orzamentos participativos foron unha máis que positiva experiencia. Moitos dos máis de 55.000 lucenses que participaron fixérono como parte de máis de 300 asociacións, o que deixou patente o que xa sabíamos: que Lugo conta cun tecido asociativo moi implicado co desenvolvemento da nosa provincia”.
Méndez destacou que a creación deste portal web asociativo “responde, pois, á nosa intención de seguir traballando para todos os lucenses dispoñamos do maior número de ferramentas que nos permitan tomar parte activa en multitude de asuntos que nos afectan a todos”.
Que é AsociaLugo
AsociaLugo ofrecerá grandes vantaxes, dende o punto de vista práctico, a todas as asociacións que se rexistren. De xeito totalmente gratuíto, poderá servirse desta web para dar difusión ás súas actividades e coñecer as actividades doutras; intercambiar datos de interese; obter información puntual de calquera convocatoria de axudas ou subvencións sen necesidade de revisar boletíns oficiais; etc.
Tras a presentación do portal, entre as 17.00 e as 20.00 horas, celebrouse o primeiro dos tres obradoiros prácticos programados, que estarán a cargo de profesionais de ampla experiencia no ámbito dixital, cos que os participantes poderán tomar contacto práctico con este novo portal e ampliar os seus coñecementos acerca das vantaxes da presenza das asociacións nas redes sociais. Estes obradoiros, totalmente gratuítos e de asistencia libre, desenvolveranse no Salón de Actos do Pazo de San Marcos, entre as 17.00 e as 20.00 horas. Os asistentes recibirán, ademais, diplomas acreditativos.
No celebrado este mércores, os asistentes puideron aprender acerca da web social ou da importancia dunha boa estratexia de comunicación online para as asociacións. O seguinte dos obradoiros celebrase este xoves e, neste caso, centrarase na análise das distintas redes sociais (Twitter, Facebook; Google+; Pinterest; Instagram, etc.) e os blogs corporativos; de que aplicacións poden dispoñer para xestionar múltiples redes sociais. Finalmente, o xoves 13 de marzo, o terceiro dos obradoiros prácticos abordará os segredos dos posicionamento na rede e a reputación online.
Como inscribirse
As asociacións interesadas en entrar a formar parte do primeiro portal dixital só teñen que inscribirse a través da web da Deputación, www.deputacionlugo.gal ou ben presentando no Rexistro Xeral da entidade o formulario que aquí poderán atopar ou ben descargar na citada web. O portal web é totalmente gratuíto.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
