A Mariña, 25 de marzo de 2015.- O BNG na Mariña trasladou novamente ás Cortes Xerais do Estado os problemas existentes nas estradas de competencia estatal derivados da situación de abandono no que se atopan as estradas de competencia estatal N634 e N642, así como os constantes cortes por néboa na A8. A deputada nacionalista Rosana Pérez, volve insistir na reclamación de solucións definitivas que vaian mais alá dos anuncios sen concreción real para evitar que sexan os e as usuarias destas estradas, as que asuman gastos por reparacións debido ao mal estado das estradas convencionais, ou polas medidas recadatorias – radar de tramo na A8 –
O BNG lembra que desde a presentación en xullo de 2014 de iniciativas, votadas en contra polo Partido Popular argumentando que Fomento xa estaba preparando solucións, o ministerio dirixido por Ana Pastor non foi mais alá de tapar fochancas a paladas na N634 e N642, sinalizar, reducir velocidade na A8 e colocar o mais longo radar de tramo de Galiza, ou persistir nos anuncios dun concurso de ideas que aínda non se convocou. Segundo a portavoz comarcal do BNG mariñao, “non son de recibo as 4.216 sancións rexistradas no pasado mes de decembro neste tramo da A8 porque a este paso van ser os usuarios e usuarias da A8 quen paguemos con sancións as solucións definitivas para un trazado erróneo do que facemos responsábeis tanto a gobernos do PSOE como do PP polo deseño e execución da obra”, afirmou Ana Ermida.
Segundo a exposición de motivos da iniciativa nacionalista rexistrada por Rosana Pérez, a pesar dos 192 millóns de euros gastados no tramo de 15 kms. da A8 entre Lourenzá e Mondoñedo inaugurada en febreiro de 2014, “os accidentes graves e os cortes do viario por néboas espesas para desviar o tráfico pola caótica N634 son unha constante especialmente na primavera e verán”. As solucións ate agora achegadas polo ministerio de Fomento son insuficientes e demostráronse ineficaces, polo que demandan ao ministerio de Ana Pastor afrontar con seriedade e profesionalidade técnica solucións definitivas para este trazado.
Na mesma liña, desde a formación nacionalista reclaman melloras globais mais alá de simples parches á situación lamentábel das estradas N634 e N642. Chaman a atención sobre o estado da N642 entre A Espiñeira(concello de Barreiros) e O Castelo(concello de Cervo) cun mantemento inexistente mais alá de tapar fochancas a paladas e onde so están orzamentadas actuacións de mantemento nun tramo de 10 kms cando esta vía ten case 26. Igualmente diferentes tramos da N634 entre A Espiñeira e Mondoñedo, alternativa á A8, ten unhas condicións de mantemento mais propias dunha pista forestal que dunha estrada xeral. Ambas requiren de actuacións integrais con novas capas de asfalto que faciliten e fagan mais segura a circulación e eviten o deterioro ao que se someten os vehículos que transitan diariamente por elas.
A portavoz comarcal Ana Ermida, insistiu en que o BNG non vai deixar de reclamar unhas vías de comunicación para a comarca do século XXI e non camiños con arranxos mais propios da última etapa do franquismo. Non se pode consentir a burla de manter a comarca da Mariña, a mais puxante economicamente da provincia, cunhas vías de comunicación como temos na actualidade polo que xa sexa nos concellos, no Parlamento Galego, no Congreso ou na rúa, o BNG seguirá petando na porta ate lograr a mellora das infraestruturas que a comarca precisa e merece.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
