A Mariña, 5 de marzo de 2015.- A CIG-Ensino elaborou un estudo da presenza das mulleres nos cargos directivos en centros de ensino de toda Galiza.
Os datos deste estudo deixan ver que a ocupación de cargos directivos por parte das mulleres non se corresponde co nivel de representación que teñen no sector do ensino público non universitario en Galiza, que é claramente maioritaria. No ensino primario hai 12.985 docentes que son de xénero feminino (que representa o 81,45%) fronte a 2.957 homes, pero só son directoras o 55%, unha desproporción desmesurada. No ensino secundario son directoras o 36% fronte ao 64% de homes a pesar de que hai 8.872 mulleres (o 58,7%) e 6.231 homes. Respecto a outros cargos directivos á parte da dirección comprobamos que as mulleres ocupan o 76% dos cargos en primaria e o 53% en secundaria.
Na Mariña neste curso hai un total de 949 docentes dos que 647 son mulleres (que representa o 68%) e 302 son homes (o 32%). A porcentaxe de mulleres docentes é maior en Primaria que en Secundaria. En Primaria hai 321 mulleres que están dando clases por 71 homes, mentres en Secundaria son 326 mulleres por 231 homes. En porcentaxes, o 81% do profesorado de primaria da Mariña son mulleres e o 58% do de Secundaria. A pesares destas porcentaxes de xénero é significativo que só o 67% dos cargos directivos dos centros de primaria son desempeñados por mulleres e só o 45% en Secundaria.
Se observamos os diferentes cargos directivos vemos que hai unha desproporción entre os cargos directivos que ocupan as mulleres e o que elas representan en números globais. Así, ocupan o cargo de dirección dos centros de primaria 13 mulleres por 11 homes e sen embargo en secundaria son 5 mulleres as directoras por 10 homes. Se fora proporcional ao número total de docentes tería que haber sobre 19 mulleres no cargo de dirección por 5 homes en primaria e sobre 8 mulleres por 7 homes en secundaria.
Sen embargo, obsérvase que é máis proporcional a relación noutros cargos. Existen en primaria 13 mulleres que son Xefas de Estudo por 3 homes e 13 mulleres que son Secretarias por 6 homes. En secundaria, son Vicedirectoras 5 mulleres por 6 homes, ocupan a Xefatura de Estudos 7 mulleres por 8 homes e a secretaría 9 mulleres por 6 homes.
De todos estes datos podemos concluír que existe un desaxuste entre o número de docentes de xénero feminino e a súa presenza en cargos directivos nos centros de ensino da Mariña, o mesmo que ocorre a nivel de toda Galiza. No estudo realizado tamén se observa que os cargos subordinados ou secundarios desde o punto de vista do organigrama educativo (secretarías, xefaturas de estudos ou vicedireccións) son ocupados maioritariamente por mulleres (segregación vertical), perpetuándose os estereotipos sociais dos roles e modelos femininos tradicionais.
Para a CIG-Ensino está nas mans da Administración, e no caso que nos ocupa nas mans da Consellaría de Educación, poñer límites a esta situación de discriminación e desigualdade e actuar dun xeito responsable neste eido, facilitando entre o profesorado a conciliación da vida familiar e laboral, ademais de pór en marcha o Plan de Igualdade aprobado polo Parlamento que non se está efectivizando.
Dores Fernández Abel
Secretaria da CIG-Ensino da Mariña.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
