A asemblea local do BNG vén de elixir por unanimidade ao burelao Mario Pillado como cabeza de lista para concorrer ás vindeiras municipais do mes de maio. Pillado, nacido en Burela e de 30 anos, está moi vencellado ao deporte de base, sendo na actualidade monitor e adestrador das categorías inferiores de fútbol sala en Burela. Licenciado en Enxeñaría Química pola Universidade de Santiago de Compostela en setembro de 2008, traballou como técnico de eficiencia enerxética para a fábrica de xeo da cofradía de Burela.
A formación nacionalista aposta deste xeito por reafirmar a renovación da representación municipal xa iniciada coa entrada de Mario Pillado na corporación municipal, tras substituír a Neves Cando, en outubro do 2013. Desde o BNG destacan o compromiso do candidato e o traballo xa realizado nestes escasos dous anos como concelleiro, así como a “súa capacidade para defender outro xeito de facer política, lonxe das políticas de axustes, subas de impostos e encarecemento dos servizos públicos do PP e lonxe tamén dos populismos baleiros que so procuran a foto e maquillar a auténtica cara do PP”. Frente a iso a aposta pola renovación do actual concelleiro supón o recoñecemento do traballo ben feito durante este ano e medio na oposición ao goberno municipal e o intento de rachar coa inoperancia establecida no concello de Burela, onde o resto de contendentes políticos que concorren repiten as súas apostas.
O BNG-Asembleas Abertas representa a renovación e a alternativa da xente da rúa fronte ao estancamento e ao conformismo que amosan o resto das formacións de cara a unhas municipais cruciais para o futuro da vila. A formación nacionalista preséntase como a antítese da política máis rancia instalada no concello de Burela, con unha candidatura que estará conformada por persoas sen máis afán que lograr un cambio na política local e que garante pór ao mellor da mocidade burelá a loitar por “un futuro digno no noso concello, pola defensa do dereito a traballar con dignidade na terra, defendendo sectores tan importantes coma o pesqueiro, abandonado polos gobernos local, galego e español; ou na defensa dun hospital con plena capacidade para xestionar os recursos.”
Segundo manifestou o candidato “é preciso un cambio urxente para poñer o concello de Burela ao servizo das veciñas e veciños e deixar de utilizar a institución como bastión das políticas antisociais e dos recortes que aplica o Partido Popular, do goberno en contra da xente. Por iso, desde o BNG apostamos porque Burela se convirta nunha vila dinámica, participativa e na que o seu futuro sexa deseñado polas veciñas e os veciños e non unha vila que sexa unha simple peza nas políticas deseñadas para outros lugares”, concluiu Pillado.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
