Cervo (Lugo), 21 de marzo de 2015.- A directora de Turismo de Galicia, Nava Castro, participou este sábado na clausura das xornadas técnicas da XXIV Festa do Ourizo de San Cibrao.
Este festexo, que pon en valor un dos produtos mariñeiros máis auténticos de Galicia, conta coa declaración de Festa de Interese Turístico de Galicia dende 2008.
Un ano máis, a celebración acolleu unhas xornadas técnicas sobre o ourizo de mar, que afondaron no coñecemento deste produto e achegaron valor a este festexo. Ademais este ano tiveron o privilexio de contar coa participación dalgúns dos cociñeiros máis destacados da nosa comunidade.
Durante a súa intervención, a directora de Turismo de Galicia resaltou o traballo dos veciños que fai posible ofrecer degustacións de numerosas receitas deste manxar galego aos visitantes que ano tras ano acoden a Cervo a festexar esta celebración.
Así mesmo, Nava Castro destacou que a Festa do Ourizo se converte no reclamo perfecto para coñecer esta zona da provincia de Lugo da que afirmou “é unha terra chea de recursos, moitos deles únicos no mundo”. “A oferta cultural, natural, paisaxística, gastronómica e etnográfica da Mariña converte este destino nun elemento diferencial dentro da oferta turística galega”, incidiu. A responsable de Turismo da Xunta afirmou que todos os seus recursos turísticos acompañan a esta cita gastronómica e convértense na oferta complementaria dunha zona de Galicia que ten moito que ofrecer.
Aposta polas festas de exaltación de produtos enogastronómicos
Nava Castro explicou que as festas, polas súas características e singularidades e polo seu recoñecemento e prestixio a nivel autonómico, son un recurso que manter e potenciar, xa que a súa celebración supón un importante reclamo de atracción turística.
Nesta liña, a directora de Turismo de Galicia afirmou que, ademais, engaden importantes accións de difusión turística que constitúen un extraordinario incentivo para as economías locais. “Por todo isto fomentamos a súa difusión e promoción”, sinalou Nava Castro.
Neste senso, explicou que o Plan Integral de Turismo de Galicia inclúe un plan de acción dedicado a promoción e mellora das festas de exaltación de produtos enogastronómicos, especialmente as declaradas de Interese Turístico, mediante a consolidación de criterios homoxéneos de calidade e a promoción e valorización dos produtos sostibles e de calidade.
“As celebracións gastronómicas tradicionais que xeran experiencias únicas no destino ocupan un lugar moi relevante na política turística do Goberno galego”, afirmou a responsable de Turismo da Xunta.
“Esta nova edición da Festa do Ourizo é unha mostra máis de que conservar as nosas tradicións, o noso xeito de vivir e gozar de Galicia, é o que nos fai un destino único”, concluíu Nava Castro.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
