Burela, a 21 de marzo de 2015. O Concello de Burela incluirá na vindeira sesión ordinaria que celebra a Corporación Municipal tres puntos relativos á nova situación orixinada coa implantación da administración electrónica, dado que, segundo o alcalde, José María González Barcia, “temos que adaptar a normativa municipal a esta nova etapa da administración electrónica”.
Ademais de someter á consideración do pleno a derogación do regulamento de funcionamento do rexistro municipal de documentos, “algo lóxico, tendo en conta que hasta agora todos os documentos que entraban no rexistro do Concello o facían en formato papel, tamén se tratará e votará a modificación da ordenanza sobre administración electrónica para crear a sede electrónica, dado que hai que regular a entrada e saída de documentos en soporte electrónico, e tamén temos que crear o perfil do contratante, que aínda que xa existe na páxina web do Concello non está creado oficialmente dentro da administración electrónica”.
González Barcia afirmou que “a creación do perfil do contratante traerá consigo que no mesmo se anuncien as licitacións de obras ou servizos, o procedemento establecido para cada unha das licitacións, presentación de ofertas, membros das mesas de contratación, actas de apertura dos distintos sobres ou ofertas, actas de propostas de resolución dos contratos, etc, o que vai repercutir no incremento da transparencia da administración do noso Concello”.
O alcalde burelés manifestou que “a posta en marcha da administración electrónica no Concello se está facendo sen grandes sobresaltos, aínda que é un proceso que leva o seu tempo, unhas cantas semanas, e que pode xerar puntualmente algún tipo de problema aos usuarios, polo que pedimos novamente desculpas”.
O rexedor indicou que “a administración electrónica permitirá gañar eficacia, eficiencia e transparencia, así como aforrarlle tempo aos usuarios, que poderán tramitar os seus asuntos co Concello desde a casa e a través de internet. Con todo, o rexistro en formato papel seguirá existindo para aquelas persoas que por diversos motivos non usen ou non queiran usar internet”.
Barcia rematou manifestando que “aquí non contamos con ningunha axuda da Deputación para implantar a administración electrónica: só nos enviaron un plasma, unha antena wifi, e dous ou tres ordenadores, pero as ferramentas electrónicas tívoas que mercar o Concello con fondos propios. Resulta sorprendente que 25 millóns de euros gastados despois, a Deputación non fose capaz de dotar destas ferramentas aos concellos. Iso sí, agora ofrece antivirus gratis e cousas desas, pero o importante, ao que se comprometeron, nada de nada”.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
