Burela, a 21 de marzo de 2015. O equipo do goberno do concello de Burela asegurou este sábado, en relación coa nota de prensa da executiva socialista sobre os presupostos, que “os socialistas están na inopia e por riba teñen mala memoria, xa que esquecen que eles non baixaron ningún imposto, e o PP sí os baixa. De repente esquecen que chegaron a subir os impostos no ano 2010 o 4%, e que tamén puideron baixar o IBI (a contribución) ao mínimo pero non o fixeron, porque son uns depredadores de impostos e por riba insaciables. E mentres gobernaron tampouco pediron unha revisión catastral; o PP, sí. Estes personaxes non son quen para dar leccións a ninguén, e se falan de mentir, eles sí son mentirosos, e a iso son imbatibles”.
Para o goberno popular burelés, “os socialistas falan de 2011 e esquecen que nese ano xeraron a maior débeda que este Concello tivo nunca, xa que deixaron sen pagar nada máis e nada menos ca 1.300.000 euros en facturas e o peor é que tampouco había cartos para pagalas. Iso sí, non se puxeron colorados”.
Desde o goberno burelés afirman que “a baixada de impostos para este ano é unha realidade, a pesares dos socialistas. Porque ademais de pagar 142.000 euros menos ca en 2014, os cidadáns de Burela tamén deixarán de pagar o incremento da contribución, debido a que este equipo de goberno baixou a porcentaxe a aplicar ao mínimo admitido pola lei. Parece que aos socialistas non lles gusta que a xente se quede con máis cartos no peto: lóxico, eles cando gobernan son os que exprimen á xente. E parece que non lles gusta pagar menos impostos… Pois se non lles gusta pagar menos impostos, poden pagar eles as facturas que deixaron sen pagar”.
En relación coa nova escola infantil, desde o goberno burelés sinalan que “os socialistas están que adoecen porque ven que o que eles non foron capaces a facer estámolo facendo desde o goberno local. Nós nunca ocultamos nada sobre a nova escola infantil, e acollémonos a un convenio asinado entre un ministro socialista e a Xunta, convenio ao que se teñen sumado máis concellos galegos, incluídos socialistas, coma o de Muros. Os ‘iluminados’ que querían poñer esta dotación na Casa do Mar ou na Casa da Xuventude, pero que nada fixeron para iso, critican o evidente, que corenta e unha familias deste Concello terán praza pública para os seus nenos e nenas de 0 a 3 anos”.
O grupo de goberno burelés, do PP, tamén menciona a débeda do antigo Concello de Cervo, asegurando que “os que agora rexen o PSOE burelés poden preguntarlle a ‘ilustres’ compañeiros seus como se xerou a débeda do antigo concello de Cervo. Só un exemplo: o goberno de Roberto Álvarez e os seus concelleiros solicitou por dúas veces un crédito para facer a rúa do Barridal; pero quen acabou facendo esta rúa, con fondos municipais, foi o Concello de Burela”.
“Resulta significativo, pero tamén preocupante, que os actuais rexedores do socialismo burelés defendan ao goberno socialista de Cervo anterior á segregación. Deberían cando menos calar a boca, porque fannos pensar que se chegan a gobernar poden facer o mesmo que fixeron os seus compañeiros entre 1987 e 1995, xerar nada menos que seis millóns de euros de débeda con bancos. Se estes queren gobernar Burela con estas ideas, apañados vamos”, conclúen desde o Equipo de Goberno burelés.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
