8 de marzo de 2015 – A Delegación do Goberno en Galicia informa que a Dirección Xeral de Tráfico poñerá en marcha desde este luns e ata o vindeiro domingo 15 de marzo unha campaña intensiva de control de uso do cinto de seguridade e dos sistemas de retención infantil (SRI). Esta iniciativa enmárcase dentro da programación de campañas e operacións especiais de vixilancia e control previstas por Tráfico para o presente ano, co ánimo de mellorar a seguridade vial e concienciar aos usuarios das vías da importancia de comportamentos máis seguros.
Durante unha semana, os axentes da Agrupación de Tráfico da Garda Civil intensificarán os controis para comprobar que tanto o condutor como os ocupantes dos vehículos fan uso do cinto de seguridade. Comprobarán, de igual modo, que os menores viaxan cos correspondentes sistemas de retención infantil adecuados á súa estatura, peso e idade.
O uso de sistemas de retención homologados -cinto de seguridade e sistemas de retención infantil- veuse demostrando como o sistema de seguridade vial máis sinxelo e eficaz en todo tipo de vías e traxectos, ademais de ser imprescindible para que o airbag poida ser eficaz.
O cinto de seguridade é un seguro de vida. A DGT estima que o seu uso reduce á metade o risco de morte en caso de accidente. No ano 2013, un 22% dos usuarios de turismos e furgonetas falecidos en sinistros en vías interurbanas non utilizaban o cinto de seguridade. En zona urbana esta porcentaxe elévase ao 28%.
No caso dos sistemas de retención infantil, a DGT estima que o 43% dos menores viaxa incorrectamente con estes sistemas. Un neno sen suxección multiplica por cinco as posibilidades de sufrir lesións mortais ou graves.
CAMPAÑA ANTERIOR EN GALICIA
Na campaña específica de control do uso do cinto de seguridade e dos sistemas de retención infantil desenvolvida do 10 ao 16 de marzo de 2014 en Galicia, controláronse máis de 39.000 vehículos e formuláronse 488 denuncias (470 por viaxar adultos sen cinto de seguridade e 18 por levar a nenos sen o sistema de retención adecuado).
REGULACIÓN LEGAL
A obrigatoriedade do uso do cinto de seguridade ou dos sistemas de retención infantil por parte de condutores e ocupantes dos vehículos cando se circula por calquera tipo de vía está regulado ampliamente na lexislación polo Real Decreto Lexislativo 339/1990 polo que se aproba o texto articulado da Lei sobre Tráfico, Circulación de vehículos a Motor e Seguridade Vial e polo Regulamento Xeral de Circulación e polo Real Decreto 1428/2003, de 21 novembro, polo que se aproba o Regulamento Xeral de Circulación.
O incumprimento desta norma está tipificado como infracción grave, e sanciónase con multa de 200 euros e perda de 3 puntos no caso dos condutores.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
