RIOTORTO, 25 DE ABRIL DE 2015.- O secretario Provincial –Juan Carlos González Santín- e a vicepresidenta segunda da Deputación de Lugo –Lara Méndez- participaron este sábado na presentación da candidatura do PSOE de Riotorto que encabeza Emilia Seoane.
González Santín manifestou “o seu total apoio á lista e á candidata socialista” e afirmou que é a única alternativa de futuro para o municipio”. Neste senso, animounos a seguir traballando na mesma liña que o viñan facendo ata o de agora e a loitar por acadar a alcaldía “co obxectivo de garantir todos os servizos que demandan os veciños e veciñas do municipio”. “Ao contrario dos Gobernos central e autonómico, nós estamos coa cidadanía e non permitiremos que continúen a desmantelar servizos esenciais para o municipio como o sanitario. Nós queremos garantir dereitos básicos dos veciños e veciñas de Riotorto”, engadiu.
Pola súa banda, Lara Méndez asegurou que “o gran traballo feito dende o equipo de goberno, e as propostas e o compromiso para seguir mellorando Riotorto levarán á candidatura socialista a obter a maioría suficiente para liderar un proxecto de futuro para este concello”. “Boa proba de que os socialistas temos outra forma de gobernar dáse en Riotorto. Mentres o Partido Popular tivo durante anos paralizada a reforma da estrada provincial de Marco de Álvare, nós puxemos en marcha e acometemos este proxecto, cun esforzo inversor de 1,6 millóns de euros, para responder a unha demanda histórica dos veciños”, asegurou a vicepresidenta.
Proxecto de futuro contra o despoboamento
A alcaldable márcase como obxectivo fixar a poboación no municipio, “para o que hai que garantir os servizos públicos no rural e crear emprego de calidade, así como favorecer o autoemprego para que a nosa mocidade non se vexa na obriga de marchar”.
Seoane aproveitou a ocasión para agradecer ao seu número dous “o traballo feito ao longo dos últimos anos, xa que grazas a José García conseguíronse moitas inversións para dotar de novos servizos ao municipio, o que permitiu mellorar a calidade de vida dos veciños”.
Neste senso, os socialistas de Riotorto destacan os investimentos levados a cabo polo goberno da Deputación, respondendo ás demandas dos veciños, como a obra da estrada que une Riotorto coa capital ou o desbrozamento de 250 quilómetros de pistas forestais e o acondicionamento das máis degradadas, o que foi posible grazas a un convenio co ente provincial.
A alcaldable manifestou que quere gobernar Riotorto “contando coa participación dos veciños e veciñas na vida política do concello, para garantir así o fluxo de información e coñecer de primeira man as súas necesidades ou inquedanzas”.
Renovación ó 90%
Trátase dunha lista renovada nun 90% na que se combina a xuventude coa experiencia, xa que como afirma a candidata “apostamos pola renovación pero tamén queremos contar con todos os que anteriormente formaron parte da familia socialista de Riotorto e, dende logo, é un orgullo contar con todos eles”. A lista completa da candidatura do PSOE é a seguinte:
1.- Emilia Seoane Prieto
2.- José García Freije
3.- Beatriz Díaz Lois
4.- Alberto Gómez López
5.- Marcos García Freire
6.- María Josefa Maseda Villasuso
7.- Pedro Saldanje Núñez
8.- José Moirón Alonso
9.- Gabriel Fernández Dasrribas
Suplentes:
1.- Santiago Rodríguez Saco
2.- Daniel Bouso Rodríguez
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
