O Burela FS Pescados Rubén continúa avanzando con paso firme no seu camiño cara á Copa de España co triunfo deste sábado na pista de Ourense Envialia (1-3). Con estes tres puntos, as de Lucas colócanse a 4 puntos do segundo, Cidade das Burgas, que empatou na pista do Gironella.
O conxunto mariñán expuxo un partido moi serio, sobre todo en defensa. As filas laranxas, que acudían aos Remedios moi minguadas de efectivos, optaron por plantarse en media pista, mostrándose infranqueables para as ourensás, que apenas dispuxeron de oportunidades, e apostando pola intensidade vertical. Xa no minuto 5, Taina estreaba o marcador cun disparo ao segundo pau asistida por unha diagonal de Peque. No 17, Claudia ampliou distancias recollendo o esférico tras falta ao bordo do área. A tan só 30 segundos para o descanso, Marta subiu o 1-2 para as locais, nun rexeitamento.
No segundo período o perigo tamén o dominaron as burelistas, con fluidez en contraataque. Rozando a medianía desta parte, Taina volveu aliarse co gol nun lanzamento de lonxe tras roubo de balón. A falta de 8 minutos para o final o Envialia quixo remontar con porteira xogadora sen opcións; as filas laranxas tan só lle permitiron tímidas tentativas de lonxe. O Burela FS Pescados Rubén mostrouse impertérrito e ata dispuxo dalgunhas ocasións a porta baleira; a máis clara, de Peque, estrelouse contra o poste.
Ficha técnica
Ourense Envialia FSF: Sarita, Bea Seijas, Ro, Laura, Sara Moreno -cinco inicial- Marta, María Romero, Chiqui, Anita, Peke, Chev
Burela FS Pescados Rubén: Jozi, Claudia, Peque, Gaby, Bea Mateos -cinco inicial- Tainã, Cris, Paula.
Goles: 0-1, minuto 5, Taina; 0-2, minuto 17, Claudia; 1-2, minuto 19, Marta; 1-3, minuto 30, Taina
Árbitros: Vázquez Castellano // Fernández Méndez (Ourense)
Tarxetas: Por Ourense amarela a Sara Moreno (minuto 23), Chev (30). Por Burela amarela a Peque (minuto 39)
Incidencias: Partido correspondente á xornada 26 de Primeira División RFEF disputado nos Remedios.
*FOTO: Adán Puentes (Copa Galicia As Pontes 2015).
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
