Hai uns días inaugurouse a liña de tren de alta velocidade entre A Coruña e Vigo. As dúas grandes urbes do país, xa perfectamente comunicadas, están agora a só 70 min de distancia en tren.
Outra cousa é ir de Lugo a Ourense, ou de Ferrol a Ribadeo, por poñer uns exemplos, para o que precisamos case un día enteiro.
Sen entrar agora na necesidade da infraestrutura, e indo por diante que benvida sexa calquera avance neste senso, semella que o AVE Coruña – Vigo é unha perfecta metáfora de Galiza, un país a 2 velocidades.
Porque mentres as áreas de Coruña-Ferrol, Santiago como capital e Vigo-Pontevedra acaparan todo o protagonismo social e económico, o resto de galegos que non vivimos no chamado eixo atlántico, ben parece que estamos condenados á desaparición. E non quero ser catastrofista con esta afirmación, dígoo cos datos de poboación, alarmantes, moi alarmantes que así o confirman.
Un exemplo: no interior da provincia de Lugo e no pasado ano, só aumentaron poboación, Lugo capital e Outeiro de Rei, como concello dormitorio deste. O resto, ningún, incluso Vilalba, como cabeceira de comarca baixou xa dos 15.000 hab. e cedeu a medalla de bronce como 3º municipio máis poboado da provincia en beneficio de Viveiro. Só na Mariña, cunha pesca e turismo fortes e cunha gran empresa como Alcoa, houbo illotes de esperanza nestes datos, con dous concellos: Burela e Ribadeo que gañaron uns poucos habitantes no último exercicio.
Moitos sociólogos auguran que en poucas décadas máis do 80% da poboación galega vai estar asentada nese eixo atlántico. Vamos, que camiñamos con ritmo imparable cara conseguir de Galicia algo parecido a México. Un drama silencioso que ten como consecuencia un agro abandonado. Só verdadeiros heroes como os produtores de queixo de San Simón (tirando para a miña casa…), son capaces de vivir e de facelo dignamente no noso outrora rico medio rural.
Non hai país desenvolvido que esqueza o seu agro, ollemos Francia ou Holanda ou Alemaña, todos estes países teñen un agro forte porque ao final, ademais do I+D+I, da sociedade 2.0, das finanzas e das fábricas de automóbiles, imos ter que seguir comendo e que eu saiba aínda non hai fórmula química para poder fabricar patacas, grelos ou fabas. Iso si, teremos que pensar moi en serio se estamos a facer todo o esforzo posible para que eses produtores agrícolas ou gandeiros contan co máximo apoio e as ferramentas necesarias para garantir o seu medio de vida.
Eu, lamentablemente creo que non. De non mudar de políticas daremos paso a ese escenario de millóns de galegos vivindo en áreas urbanas por unha banda e montes e terras abandonadas por outra. É ese o futuro que queremos para Galiza,? De nós depende.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
