Ribadeo, 30 de abril de 2015. Iberia e Concello acaban de asinar un acordo comercial para a promoción do Ribadeo Indiano. O alcalde, Fernando Suárez, destacou que deste xeito se exploran novos camiños para facer de Ribadeo, un lugar máis coñecido, máis visitado e máis internacional”.
O rexedor explicou que “nesta nova andaina que iniciamos nestes últimos tempos de proxectar a imaxe de Ribadeo no mundo, desde o punto de vista turístico e desde o punto de vista de que hai moito que ver e moito que facer e despois de todos os contactos que fixemos na feira de Fitur en xaneiro pasado, continuamos a dar pasiños pequenos, con humildade, modestos, pero entendo que ao mesmo tempo potentes e esperanzadores”.
Suárez Barcia sinalou que “acabamos de asinar un acordo comercial entre Iberia e o Concello para a promoción dun evento singular como é o Ribadeo Indiano, este evento que se creou o ano pasado aquí en Ribadeo co esforzo de todos e que quere seguir medrando e consolidándose. Estou seguro de que seguirá a traspasar fronteiras e que moita xente de Galicia e do Estado, e oxalá que fora del tamén, poidan acudir á segunda edición no verán”.
O alcalde subliñou que “todos os vós de Iberia que cheguen aos aeroportos de A Coruña, Santiago ou Asturias cinco días antes ou cinco despois do Ribadeo Indiano terán un 15% de desconto sobre as tarifas dispoñibles en Iberia.com. O Concello comprométese a nomear a Iberia como transportista aéreo preferente, a inserir a súa imaxe na nosa páxina web, acondicionaremos a nosa web coa incorporación dun link á paxina de Iberia.com, a través da cal os asistentes ao Ribadeo Indiano poidan xestionar os seus billetes”.
Fernando Suárez engadiu que “estamos a ultimar os detalles para facer este Ribadeo Indiano, si cabe, máis importante, con máis xente.
Descoñecendo o número de persoas que poidan chegar á nosa vila por esta vía estamos iniciando e explorando novos camiños con estas posibilidades que temos para facer un Ribadeo máis coñecido, un Ribadeo máis visitado, un Ribadeo máis internacional, en definitiva para mellorar o comercio, os servizos, os hoteis, a restauración ou a hostalería. Este é o noso obxectivo”.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
