Foz, 6 de abril de 2015.- O alcalde de Foz, Javier Jorge Castiñeira, fixo este luns balance da Semana Santa e destacou que os datos indican que foi a mellor da historia do concello.
“A valoración desde o Concello de Foz do que foron estas vacacións de Semana Santa é moi boa. Os datos de ocupación son obvios e chegaron practicamente ao 100 por 100. E os datos de consumo de auga e xeración de lixo, así como os da oficina de turismo, indican que non se recorda outra Semana Santa con esta ocupación e con estes consumos, o que ven a dicir que é a mellor Semana Santa da historia do noso concello”, explicou o rexedor municipal.
Javier Castiñeira engadiu que “a verdade é que se ve á xente con moito mellor ánimo, moito máis satisfeita e dende logo nós cremos que hai moitos motivos: un dos máis importantes é a apertura de infraestruturas novas, como a autovía A-8, xa que moitos dos visitantes dinnos que a día de hoxe esa é unha vantaxe moi boa con respecto a outros anos; o bo tempo tamén influíu bastante nos datos de ocupación que temos na Mariña; tamén creo que se pode achacar a unha boa promoción conxunta por parte de todos os concellos da Mariña en xeral, ese novo concepto que parte de que todos os que veñen a Foz visitan tamén outras localidades e ao revés, pois nunca tanto se beneficiou Foz da Semana Santa de Viveiro e da de San Martiño, pero tamén das visitas ás Catedrais; e reciprocamente, porque son moitos os visitantes que veñen a Foz e despois van a outras localidades; e tamén a venta de vivenda, xa que durante este ano, ao estar moi económica, fixéronse unhas boas ventas de vivendas”.
O alcalde fixo ademais “unha valoración moi positiva dende o interior, porque dende o Concello estanse facendo ben as cousas de cara á promoción turística, pois funcionaron dúas oficinas de turismo. E ademais hai que destacar o traballo de todas aquelas asociacións e organizacións que grazas ás súas actividades melloran moito o programa de actos do noso concello, especialmente a Acia local co seu bo traballo na hostalaría, que contribúe tamén á promoción do pobo”.
Castiñeira rematou felicitando “especialmente aos organizadores da Semana Santa de Foz, tanto a do núcleo urbano como a de San Martiño. A todos os que participaron e aos organizadores, os meus parabéns porque todos os actos saíron moi ben e están convertendo a Semana Santa de Foz e a de San Martiño en algo importante, grazas ao bo facer de moita xente, sobre todo das confrarías e de todos aqueles que as organizan”.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
