Mondoñedo, 29 de abril de 2015.- O portavoz de AUGA, Autónomos de Galicia, Lisardo Domínguez, acompañado polo responsable da organización en A Mariña, José Luis Moñita, mantivo unha reunión na mañá deste mércores co alcalde de Mondoñedo, Orlando González, para presentarlle “os servizos da organización e lograr a colaboración de ambos organismos á hora de levar adiante iniciativas de apoio e asesoramento especializado para todos os autónomos deste municipio”.
Lisardo Domínguez sinalou que “no concello de Mondoñedo temos a día de hoxe un total de 522 autónomos, unha cifra moi significativa se pensamos que estamos a falar dun municipio que ten arredor de 4.000 habitantes”.
Durante a reunión, tamén estivo presente o Axente de Emprego e Desenvolvemento Local, José Manuel Otero, quen destacou que “somos nós quen intentamos resolver as dúbidas de moitos autónomos e tamén de moitos mozos que pretenden iniciar novos proxectos. A día de hoxe, a nivel municipal, cabe destacar o repunte de emprendedores no sector agrario e forestal. É moi interesante contar coa vosa colaboración para organizar xornadas e charlas informativas que resolvan de maneira especializada este tipo de cuestións”.
Neste senso, Domínguez adiantou que “traballaremos entón neste camiño para levar adiante diversas actividades no municipio dirixidas aos autónomos, xornadas e charlas informativas con temáticas que demanden os propios autónomos, como as diferentes formas de financiación, a lexislacion vixente e as súas reformas, as pensións ou o dereito a baixas”.
Finalmente agradeceu “o interese amosado polo alcalde e o técnico municipal de Mondoñedo e as facilidades dadas para dotarnos de un local no que os técnicos de AUGA poidan prestar asesoramento, información e asistencia técnica ao colectivo” e engadiu que “tal e como fixemos esta semana en Viveiro e Mondoñedo, continuaremos esta ronda de visitas aos concellos de A Mariña nos vindeiros meses”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
