28 de abril de 2015.- O voceiro do pesca do GPP e deputado por Lugo, Joaquín García Diez, defendeu este martes na Comisión de Agricultura, Alimentación e Medio do Congreso, unha proposición non de lei do Grupo Parlamentario Popular, que aprobou, a que se insta ao Goberno á creación dun Rexistro Nacional de Posibilidades de Pesca.
Na súa intervención, o voceiro popular recordou que a natureza xurídica das posibilidades de pesca as converte en elementos incertos pero susceptibles de xerar negocios xurídicos de carácter patrimonial.
Segundo indicou, “é a lei de Pesca Marítima a que establece que a política de pesca marítima se realizará a través de medidas de xestión da actividade pesqueira, distribuíndo as posibilidades de pesca de modo que consiga unha maior racionalización do esforzo pesqueiro desenvolvido polo sector,”.
Para o deputado popular, a reforma da Política Pesqueira Común referendou a política de xestión xa implantada en España e o modelo de xestión que vén aplicándose á nosa frota.
García Díez explicou que a frota española alberga censos cunha longa traxectoria de xestión das súas pesqueiras baseados en modelos de xestión pechados, como é o da chamada frota “dos 300” que dende 1981 ordena a súa actividade pesqueira mediante un censo pechado, ao igual que a frota que faena en augas de NAFO (1999) ou a pesqueira do atún vermello (2008 e 2013); e tamén algúns con asignación individual de posibilidades de pesca e outras con regulacións máis recentes.
Foi a lei 23/1997, de ordenación do sector pesqueiro de altura e grande altura que opera dentro dos límites xeográficos da NEAFC, a que recoñeceu o valor patrimonial das posibilidades de pesca, o que permitiu que as empresas pesqueiras con buques incluídos neste censo puidesen allear, ceder ou transmitir, entre si, total ou parcialmente os dereitos de acceso ás diferentes zonas de pesca.
O paso seguinte, para García Diez, será a creación dun rexistro de posibilidades de pesca onde se reflictan os dereitos de pesca por censos e por zonas de pesca, ademais das operacións de transmisión que se efectúen e os peñoramentos que se dean en cada caso, e que previamente fosen autorizados polo Ministerio de Agricultura, Alimentación e Medio.
A creación deste rexistro, segundo o deputado lucense, vai permitir harmonizar a transmisión das posibilidades de pesca, ter unha maior garantía de transparencia e seguridade do tráfico xurídico afectado, así como a posibilidade de consulta e acceso de forma permanente de todos os profesionais.
Para García Diez, con esta iniciativa ponse en mans do sector unha oportunidade máis para incrementar a rendibilidade, con recoñecemento dos dereitos de uso pesqueiro, contribuíndo a evitar a pesca olímpica e mellorando a xestión pesqueira.
O voceiro popular de Pesca criticou a actitude dos grupos parlamentarios da esquerda do arco parlamentario, e en especial do grupo socialista, que presentaron unha emenda solicitando a creación dunha reserva nacional de posibilidades de pesca, algo que, na súa opinión, “supoñería romper os mecanismos de repartición que veñen funcionando dende hai décadas, ao tempo que sería unha inxerencia na liberdade empresarial contraria á ordenación xurídica vixente”.
García Díez pediulle aos grupos da oposición que non fixesen demagoxia, xa que, segundo aclarou, “ninguén está a falar de privatizar o mar, os recursos mariños son un ben público”. Do que se trata, explicou García Díez, é de recoñecer os dereitos de uso pesqueiro para a súa explotación por un período de tempo limitado. “Non estamos a falar de dereitos de propiedade de recursos pesqueiros”, resaltou.
Finalmente, o voceiro popular aclarou que non sería de aplicación á frota artesanal nin á menor de 12 m de eslora, polo que non existe, como algúns grupos insinuaban, ningún tipo de especulación. “Este modelo proposto o que fai é introducir salvagardas que o que fan é evitar a especulación evitando a acumulación de dereitos de pesca en poucos barcos ou nas grandes industrias”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
