O Partido Popular de Viveiro, a través do seu candidato á alcaldía -Antonio Bouza-, quere agradecer a participación a todos os comerciantes que colaboraron na enquisa dirixida ao comercio baixo o título de ‘Que podemos facer por ti’.
Antonio Bouza valora moi positivamente esta experiencia, na que participaron 283 establecementos de distintas zonas do municipio e que lle proporcionaron unha visión moi real da situación do comercio en determinados aspectos. De feito o popular anuncia que cando chegue á Alcadía comprométese a repetir esta consulta a mediados da lexislatura, para poder comprobar en que aspectos se mellorou e en cales haberá que insistir.
Desde o PP de Viveiro agradecen todas as achegas e suxestións recibidas e que serviron para conformar algunhas das propostas do programa electoral, así como aquelas críticas constructivas que nos axudarán no futuro a unha mellor xestión cara aos comerciantes, actores fundamentais e auténticos motores da economía local.
Deixando ao carón as especificidades de cada zona, hai unha serie de puntos en común sobre os que nos comprometemos a incidir para mellorar dita situación. Estamos falando de temas relacionados coa moderación impositiva, o alumado, a limpeza, o deterioro do mobiliario, o aumento de prazas de aparcamento, as axudas ao sector ou mesmo a promoción do concello, que en moitos casos considérase insuficiente.
Antonio Bouza quere así mesmo, agradecer a boa predisposición mostrada pola Directiva da Asociación Viveiro CCH, con quen se reuniron o pasado venres 24 de abril e en cuxa reunión coincidiron no diagnóstico da situación, así como nas posibles solucións para mellorar as condicións actuais.
O PP de Viveiro comprométese a estar á beira do sector, impulsando o traballo e a participación desde a mesa local do comercio e cunha concellería de Comercio que en todo momento atenderá as demandas dos comerciantes, escoitando as súas propostas e facilitando a súa posta en marcha.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
