Ribadeo, 29 de abril de 2015.- A edición 2015 do Correlingua na Mariña, carreira pola lingua do alumnado de todos os ciclos educativos organizada pola CIG-Ensino, a Asociación Socio-Pedagóxica Galega (AS-PG) e a Mesa pola Normalización Lingüística, coa colaboración dos Concellos de Pontevedra, Vigo, Lugo e Ourense xunto coa Deputación de Lugo, foi presentada na tarde deste mércores no Concello de Ribadeo.
No acto participaron Fernando Suárez, alcalde de Ribadeo, -concello que este ano acolle o Correlingua-, Federico Gutiérrez, alcalde de Riotorto, Antonio Veiga, Vicepresidente da Deputación de Lugo, representantes dos Equipos de Dinamización Lingüística dos centros de Ribadeo, representantes dos ciclos de Animación de Actividades Físicas e Deportivas, do IES Monte Castelo, e do ciclo de Educación Infantil, do CIFP Porta da Auga, e un representante de ACISA, todos eles colaboradores da edición deste ano desta carreira en defensa do idioma galego.
Dores Fernández Abel, coordinadora da actividade na Mariña, explicou que este ano participarán 1.000 alumnos e alumnas de varios centros da Mariña, tanto de infantil e primaria como de secundaria. Como novidade, avanzou que, por primeira vez, o Correlingua terá carreira de verdade, aínda que non competitiva, na que se inscribiron case 200 persoas; o resto fará un paseo desde a Illa Pancha até o Cantón, lugar do festival final.
Para a mencionada carreira está a colaborar ACISA e algúns dos seus asociados, así como outros estabelecementos, no avituallamento e nos premios dos participantes da carreira: Deportes Docobo, La Moda Sport, Hola Ola, Gadis, Abanca e Eroski.
Na festa final do Cantón un grupo de alumnos e alumnas do CEIP Gregorio Sanz darán lectura ao manifesto gañador este ano, e actuará un dos grupos gañadores do Cantalingua, outro dos certames do Correlingua, Monoulious Dop. Tamén haberá poemas e música a cargo de alumnos e alumnas dos IES de Mondoñedo e Marqués de Sargadelos.
Nesta edición contaremos para conducir o acto da festa final co músico e escritor Xurxo Souto, autor do himno do Correlingua.
O Correlingua iníciase no primeiro trimestre do curso coa publicación do lema e as inscricións nos diferentes concursos. O alumnado elabora as súas propostas para estes no segundo trimestre. A participación nestes certames permítelle ao alumnado reflexionar sobre a situación do noso idioma e crear os seus propios argumentos para defender o seu uso. Finalmente, no terceiro trimestre e no mes de maio, celébranse as carreiras pola lingua que percorren todo o país. Nesta edición, e como novidade, estase a levar aos centros de ensino, e tamén na festa final, un posadoiro no que o alumnado poida tirarse fotos portando lemas a favor da nosa lingua.
Varios participantes na presentación do Correlingua incidiron na importancia de contarmos con actividades normalizadoras, que promovan a reflexión sobre a situación do noso idioma e incidan na sensibilización no seu uso, como mecanismo imprescindíbel para o seu futuro, algo especialmente necesario no actual contexto en que os datos estatísticos inciden na perda de falantes do noso idioma. Entendeuse que o Correlingua é un dos proxectos cos que se consegue aglutinar a un número moi alto de mocidade arredor dun elemento común, de algo creado polo noso pobo, como é o galego.
A Coordinadora do Correlingua agradeceu aos Equipos de Dinamización Lingüística dos centros o seu empeño e ánimo para con esta actividade, ao igual que o resto dos colaboradores, en especial ao anfitrión deste ano, o Concello de Ribadeo, que pon a disposición da organización todo o necesario para que a actividade poda levarse a cabo con total normalidade.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
