RIBADEO, 14 DE ABRIL DE 2015.- O candidato do PSdeG-PSOE á alcaldía de Ribadeo -Roberto Ramos Piñeiro- involúcrase na creación de postos de traballo no municipio, para o que xestionou a participación da vicepresidenta segunda da Deputación de Lugo -Lara Méndez- nunha charla na que explicou o plan Ben Empregado. O acto celebrouse na tarde-noite de onte na Casa Sindical e contou coa asistencia dunha trintena de persoas.
Roberto Ramos comentou este martes que “a Deputación de Lugo reeditou esta iniciativa para dar traballo este ano a 350 persoas. Esta segunda edición do programa segue un esquema similar ao da primeira fase, cunha lista de empresas e o organismo provincial sufraga a totalidade dos custes salariais e da seguridade social dos traballadores contratados. A institución de Besteiro aportará ata 22.000 euros por persoa, co cal será a administración galega que conceda a maior axuda directa para contratación de persoal”.
O alcaldable socialista engadiu que “dado o interese que me transmitiron numerosos empresarios, autónomos e asociacións de Ribadeo por este plan de emprego lanzado pola Deputación púxeme en contacto co organismo provincial para organizar esta reunión. Neste acto resolvéronse as dúbidas que podía haber sobre dito plan. Quero agradecer a presenza da vicepresidenta segunda, que informou a todos os asistentes dos detalles da convocatoria. Como ven sendo habitual, a Deputación involúcrase con toda A Mariña e en concreto con Ribadeo”.
Roberto Ramos rematou animando “a todas as empresas, autónomos e asociacións ribadenses a participar neste plan como unha fórmula máis para combater o paro”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
