A Asociación de Sendeirismo “Terras de Lourenzá” realizará no vindeiro mes de maio unha nova camiñata. Nesta ocasión, e baixo o lema “Ruta dos barrios”, realizarán un percorrido de 12 kms e dificultade baixa, por distintos recunchos da “vila” (como popularmente se coñece á capitalidade do Concello de Lourenzá), para desfrutar dos encantos que se aprecian coa ollada de camiñante e que acostuman pasan desapercibidos na vida diaria. O punto de partida será no entorno da Capela da Santa Cruz, ás 10.00 horas, do domingo 10 de maio. Despois de realizar o trazado circular, confluirán novamente no mesmo lugar para desfrutar dunha comida campestre conxunta, aproveitando a celebración da Romaría da Santa Cruz, que ten lugar durante esa fin de semana. Anotan ata o xoves, 7 de maio; e o prezo é de 15 euros para costear o xantar.
Ruta dos barrios por Lourenzá
Ruta dos barrios por Lourenzá
Relacionado
-
O Concello de Vilalba, ABANCA e Afundación, a Obra Social de ABANCA, inauguraron na Sala Ramón Guntín de Vilalba, a mostra «Castelao grafista (facsímile)»
-
O xoves, 2 de maio ás 20:30h, a libraría Bahía de Foz acolle a presentación – recital sobre o poemario ‘Escribir Silencio’ de José A. Alfonso
-
O 10 de maio desprazarase a Alfoz a ITV móbil para realizar inspeccións técnicas periódicas tanto a motos como a ciclomotores