Lugo, 7 de abril de 2015.- O responsable de Cultura e Turismo da Deputación de Lugo, o nacionalista Mario Outeiro participou este martes na presentación dos tres concertos de A Quenlla que servirán para dar a coñecer o libro-CD ‘Desorballando Outonos’, nun acto no que tamén estiveron presentes o coordinador da Asociación Xermolos de Guitiriz, Alfonso Blanco Torrado; Xulio Xiz; e os integrantes de A Quenlla, Xosé Luís Rivas, Mini e Baldomero Iglesias, Mero.
Mario Outeiro explicou que “despois dun ano dedicado a Xosé María Díaz Castro, como foi o 2014, no que se fixeron ducias e ducias de actividades desde a Área de Cultura da Deputación de Lugo, en colaboración con distintos colectivos como Xermolos e ou o propio instituto que leva o nome do poeta lucense, non deixamos de seguir organizando actividades para homenaxear a un que foi dos mellores poetas galegos”, indicou.
Con este obxectivo nace o volume ‘Desorballando Outonos’, que “é a homenaxe que o grupo A Quenlla e a Asociación Cultural Xermolos de Guitiriz quixeron render ao poeta chairego Xosé María Díaz Castro no ano 2014, no que se lle dedicaron as Letras Galegas. Trátase dunha confluencia de música e palabra na que poderemos gozar da enorme verba do poeta, pegada á xente, á natureza, á expresión viva, existencial e humana”, indicou o delegado provincial de Cultura.
Neste volume, do que se editaron 3.000 exemplares, “ademais do CD de A Quenlla, con 15 poemas versionados de Xosé María Díaz Castro, Outeiro explicou que tamén se inclúe unha fotobiografía do autor, a través das imaxes que recompilou Alfonso Blanco Torrado, unha das persoas que mellor o coñeceu, e un DVD protagonizado polo poeta chairego obra de Xulio Xiz e Carlos Rodríguez, entre outros contidos”, avanzou Outeiro.
Este libro-CD fai un percorrido por toda a experiencia vital do autor guitiricense, dende a súa infancia, moi marcada pola igrexa e a emigración, ata a súa morte, pasando pola súa vocación como tradutor, as amizades que trabou a longo da súa existencia, como a do tamén autor chairego Manuel María, ou os moitos recoñecementos e premios que recibiu ao longo da súa carreira profesional.
Concertos que percorrerán toda a provincia
Durante as próximas semanas, A Quenlla ofrecerá tres concertos por toda a provincia de Lugo que servirán para presentar este libro-CD. O primeiro terá lugar xa este sábado, día 11, en Mondoñedo. A actuación dará comezo no auditorio municipal Pascual Veiga da cidade episcopal ás 20:30 horas.
Tomará a remuda unha semana máis tarde, o sábado 18 de abril, Monforte de Lemos. Ata alí se desprazarán os integrantes do grupo para ofrecer un concerto que arrincará ás oito do serán na Casa da Cultura da cidade monfortina.
Finalmente, pecharán o ciclo de concertos o venres 8 de maio en Lugo. Esta actuación terá lugar na Sala de Exposicións do Pazo de San Marcos a partir das 20:30 horas. A entrada para os tres concertos será libre e gratuíta ata completar os respectivos aforos de cada espazo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
