Burela, 9 de abril de 2015.- O Burela FS Pescados Rubén gozará da última festa galega do fútbol sala 2014-15 para os laranxas. A antepenúltima xornada de Primeira División LNFS enfrontará mañá, ás 21.00 horas, en Vista Alegre a escuadra mariñá co Santiago Futsal.
Dende a novena praza (33 puntos), os pupilos de Juanlu buscarán recuperar o camiño triunfal tras o tropezo na pista do campión da Copa de España, Jaén Paraíso Interior. A emoción asegurada con aliciente de derbi incrementarase tamén da parte dos santiagueses que chegan á bomboneira, na décimo terceira posición empatados a 28 puntos con Marfil e Montesinos por diante e despois de sucumbir ante os dominadores da liga, Inter e Barcelona.
No vestiario mariñán volve á convocatoria Isi, recuperado dunha luxación de ombreiro; non estarán Jorge Bellvert, que continúa con traballo individual tras unha escordadura de ligamento lateral interno, nin Matamoros, despois de confirmarse un desgarro no ligamento cruzado anterior. Nas filas compostelás, Santi Valladares viaxará con todos os seus efectivos.
Laranxas e santiagueses abrirán a cita irmandiña con corredor ao Burela FS Pescados Rubén feminino, proclamado campión da Copa Galicia a semana pasada nas Pontes con goleada sobre o Ourense Envialia (7-0).
Convocatoria Burela FS Pescados Rubén: 1. Edu, 5. Iago Míguez, 7. Isi, 9. Behroz, 11.Chano, 13. Álex, 14. Miguel, 17. Carlitos, 23. Antoñito, 27. Renato, 29. Ángel, 30. Hélder
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
