A Mariña, 14 de maio de 2015.- A responsable comarcal do BNG, Ana Ermida, di que “é bo que Feijóo veña a Ribadeo, Mondoñedo e Riotorto para que aprenda a gobernar a favor dos veciños e veciñas e non en contra da xente, como fai o actual presidente da Xunta”. A responsable nacionalista na comarca considera que “moi mal deben pintar as cousas para o PP na Mariña cando Feijóo ven dous días seguidos e os seus conselleiros non saen daquí”.
A conselleira do Mar e o conselleiro de Economía estarán en Burela, o de Cultura en Barreiros e Cervo e Feijóo estará mañá venres en Foz e Ribadeo e o sábado volverá a Mondoñedo e Riotorto. “Hai unha sobredose de cargos da Xunta estes días pola comarca”, afirma Ana Ermida.
A responsable do BNG considera positivo que Feijóo “veña aos Concellos do Bloque” porque “así poderá comprobar a boa xestión realizada polo BNG nos Gobernos municipais e poñer aos alcaldes do BNG de Ribadeo, Mondoñedo e Riotorto exemplo para os candidatos do PP na comarca”. “Pídolles a todos os candidatos e candidatas do PP da Mariña que van ir con Feijóo a Ribadeo, Mondoñedo e Riotorto que abran ben os ollos e aprendan a poñer os seus Concellos ao servizo dos veciños e veciñas”, recomendoulles Ermida.
Os alcaldes do Bloque ofrécense para unha “visita guiada” a Feijóo
Os tres alcaldes do Bloque Nacionalista Galego da Mariña, Fernando Suárez, Orlando González Cruz e Federico Gutiérrez Estoa, ofrécense a acompañar a Alberto Núñez Feijóo nunha “visita guiada” polos concellos de Ribadeo, Mondoñedo e Riotorto para “ensinarlle a nosa maneira de gobernar a favor dos veciños e veciñas e lembrarlle de paso todas aquelas necesidades que ten sen atender como presidente da Xunta nos nosos Concellos”. Os tres alcaldes nacionalistas da comarca critican que Feijóo “só veña á Mariña en campaña electoral a pedir os votos de mitin en mitin pero non traia nada para a comarca”.
“É a primeira vez que pisa Riotorto desde que eu son alcalde, hai oito anos”, repróchalle Federico Gutiérrez a Feijóo e lembra que “un Concello pequeno coma o de Riotorto, cos seus veciños e veciñas e co seu alcalde á cabeza opúxose ao copago farmacéutico, ao recorte dun médico no Centro de Saúde e é o único concello que non cobra o Servizo de Axuda no Fogar aos veciños e veciñas, así que comprobará como se goberna para a xente”, dixo.
No mesmo sentido se pronuncia Orlando González Cruz, alcalde de Mondoñedo, que lembra que “Feijóo só veu dúas veces a Mondoñedo desde que eu son alcalde, e as dúas en campaña a pedir os votos, pero non a traer nada para o pobo”, afirma. O alcalde mindoniense pídelle “que non se desvíe por Lourenzá para ir de Mondoñedo a Riotorto, porque así poderá comprobar a chapuza que a Xunta está facendo na LU-124, a estrada que une Mondoñedo con Riotorto e que conecta coa Autovía A-8, que levamos 4 anos reclamando que se amañe os Concellos da Pontenova, Riotorto, Pastoriza e Mondoñedo e que en vez de acometer unha verdadeira obra de ampliación e mellora do vial, que lle fai boa falla, están facendo unha auténtica chapuza calamitosa que non vale para nada xusto antes das eleccións”, quéixase.
O alcalde de Ribadeo, Fernando Suárez, pola súa banda, lémbralle a Feijóo que “débelle a todos os ribadenses medio millón de euros que a Xunta comprometeu para a residencia de maiores e que non puxo” e ofrécese a “levalo a visitar as obras da residencia, que van a moi bo ritmo grazas ao apoio da Vicepresidencia da Deputación, para que se decida a poñer os cartos que debe dunha vez por todas”. “Eu pídolle que aproveite que ven a Ribadeo para ir ver as obras da residencia. Eu acompañareino con moito gusto e os centos de veciños e veciñas de Ribadeo de todas as cores políticas que levan anos pedindo a residencia tamén”, proponlle Fernando Suárez.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
