O ala madrileño Antonio Sierra García formalizou a súa renovación co CD Burela FS Pescados Rubén xunto ao presidente laranxa, Manuel Blanco, e o fundador da empresa patrocinadora Frenos Carpe, Carlos Neira. Antoñito, a revolución goleadora da Copa de España Cidade Real 2015, defenderá a camiseta mariñá tres tempadas máis.
“Estou contento, feliz; estou moi a gusto e espero seguir aquí moitos anos máis”, admitía con euforia o xogador, de 24 anos, moi satisfeito cos seus dous anos xa en Burela: “Fun de menos a máis. Esta úlitma tempada foi cando máis a gusto me atopei, máis amoldado á filosofía de xogo sobre a pista; espero seguir medrando neste club, que é o que me deu a oportunidade e confiou en min”.
Para a próxima campaña, Antoñito é autoesixente: “Quero poder ir dando máis ao equipo e facer máis goles; esta tempada a portería resistíuseme un pouco”. As metas tamén medran colectivamente: “O único pero foron as lesións; se o equipo estivese ao completo poderiamos optar a máis, estou seguro. Confío en que poidamos amoldarnos rápido a Daniel e pelexar por novos obxectivos; a Copa foi algo histórico para o equipo e a afección. Oxalá se volva repetir axiña”.
Desde o club, Manuel Blanco aplaudiu a continuidade do ala madrileño, a segunda renovación laranxa. “Antoñito converteu en realidade o que hai dúas tempadas se postulaba como unha promesa con xuventude e talento. Creceu cun bloque polo que seguiremos apostando en 2015-16” explicaba o presidente.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
