Barreiros, 14 de maio de 2015. O alcalde, Alfonso Fuente, fai un balance moi positivo das seis bandeiras azuis que renovaron outros tantos areais do concello. Lucirán o distintivo de Adeac este 2015: As Pasadas, Lóngara, Coto, Acantilado-Remior, Altar e Fontela-Valea.
O rexedor sinalou que “Barreiros volve renovar esas seis bandeiras azuis, co cal seguimos nesa liña de ser un referente turístico en praias na provincia de Lugo e mesmo en Galicia. Eu creo que iso é moi importante. Nos momentos económicos complicados que tivemos que sufrir durante esta época, cando incluso houbo que axustar o número de socorristas que había antes e facendo un esforzo entre todos”.
Fuente Parga cre que “manter esas seis bandeiras azuis para Barreiros é moi importante porque hai que ter en conta que Barreiros é un concello de 3.000 habitantes e ten seis bandeiras azuis. E hai outros concellos, como Sanxenxo, que teñen moitas bandeiras azuis, pero a poboación tamén é moito máis grande. Polo tanto se calculáramos a relación bandeiras por habitantes seguramente Barreiros sería o que máis ten de Galicia”.
O alcalde barreirense tamén se referiu á calidade da auga doutros areais que non terán bandeira azul este ano: “independentemente de que teñamos esas 6 bandeiras azuis nas outras praias, como as de San Bartolo, Arealonga ou mesmo a ría, a calidade da auga é igual que nas que contan con este galardón: excelente. Polo tanto non existe ningún risco para o baño nin nada. Esa é a cuestión: que todas son excelentes para o baño, pero a bandeira azul vai lucir nesas seis praias, igual que o ano pasado”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
