Ribadeo, 14 de maio de 2015. As praias de As Catedrais e Os Castros-Illas e o paseo entre a Illa pancha e As Aceas conseguiron as bandeiras azuis de Adeac, que se daban a coñecer esta mañá. O Concello de Ribadeo tamén obtén unha distinción temática en información e educación ambiental. O alcalde, Fernando Suárez, sinala que se trata dun recoñecemento ao traballo realizado pola Concellaría de Medio Ambiente e subliña que con todos estes distintivos Ribadeo se atopa nunha posición moi importante.
Para o rexedor “isto significa un ano máis un recoñecemento por parte de Adeac ao traballo que estamos facendo desde o Concello de Ribadeo no que ten que ver co litoral, coas praias, cos Castros, coas Illas e tamén, como non, coa praia máis internacional que temos, a das Catedrais ou Augasantas. Tamén reflexa o compromiso co medio ambiente, como indica que teñamos un ano máis este sendeiro azul desde o faro da Illa Pancha ata As Aceas. Ribadeo segue destacando e ofrecendo argumentos para vir aquí, non soamente na época estival senón durante todo o ano”.
Suárez Barcia dixo que “tamén é unha satisfacción que este ano por primeira vez temos unha distinción temática para municipios con bandeira azul, neste caso pola información e pola educación ambiental. Logramos unha das catro distincións de todo o Estado, xunto con outras en Cantabria, Girona e Lanzarote. Con isto recoñécese o traballo da área de medio ambiente, que leva o meu compañeiro Horacio Cupeiro, pola xestión da praia das Catedrais, así como polo traballo educativo cos máis pequenos nos colexios, como estivemos facendo nestes últimos tempos, na limpeza dos ríos, etcétera”.
O alcalde de Ribadeo engadiu que “outra das bandeiras azuis non foi xestionada polo Concello, senón polo Club Náutico, que é a do porto deportivo. Pero en definitiva a suma de todas as bandeiras azuis, o sendeiro azul e a distinción temática creo que coloca ao concello de Ribadeo nunha posición moi importante en canto á defensa do medio ambiente e de cara a conxugar o turismo sustentable coa conservación do medio natural”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
