Burela, 22 de maio de 2015.- A Peña Barcelonista de Burela é a organizadora da “XXV Xuntanza de Peñas Barcelonistas Galegas” que terá lugar os próximos días 13 e 14 de xuño en Burela. O F.C. Barcelona estará representando oficialmente por algún dos seus directivos e varios exxogadores, a día de hoxe sen confirmación definitiva, pero entre os que se perfilan Ricardo Serna, Julio Salinas, Paco Clos ou José Moratalla.
O máis destacado do programa de actos do sábado 13 é a recepción dos directivos das 28 peñas galegas e a entrega de acreditacións, así como un acto público no Auditorio Municipal (Casa dá Cultura) que consistirá nunha charla coloquio con directivos e exxogadores do club e xornalistas de Mundo Deportivo, un dos patrocinadores do evento. Espérase contar cunha réplica dos 3 principais trofeos do triplete (Liga, Copa do Rei e Champions Leage) con posibilidades de conseguirse este ano para deleite dos afeccionados, que poderán fotografarse cos trofeos. Está prevista unha asistencia dunhas 200 persoas das penas galegas, máis os afeccionados locais e comarcais ao futbol, que poderán asistir a un acto totalmente aberto ao público e ao que están invitados.
O domingo 14 destaca pola súa vistosidade un pasarrúas polas rúas máis céntricas co desfile das peñas e os seus estandartes a partir das 11:00 h. han comprometida xa a súa asistencia máis de 400 socios e simpatizantes das 28 peñas galegas, e espérase a participación dalgún representante de peñas de Asturias e Castela-León. Ao finalizar o pasarrúas, no Auditorio haberá unha recepción de autoridades a todos os participantes na Xuntanza, onde se fará entrega dos 4 premios Barça-Galicia, un galardón anual para os peñistas destacados por proposta das peñas de cada provincia. Finalmente haberá unha comida de confraternización no Rte. Louzao de Area, con entrega de regalos para todos os asistentes e sorteos varios.
A Peña Barcelonista de Burela conta na actualidade cuns 200 socios, e recorda aos interesados en asistir á cea do sábado e/ou comida do domingo que teñen de prazo ata o venres 5 de xuño para retirar as entradas en Barbaría Daniel e Restaurante A Marquesa. En marzo deste ano cumpríronse 20 anos da inauguración oficial da Peña Barcelonista de Burela, acto ao que asistiu o directivo Javier Ilincheta, o exxogador Ricardo Serna así como varios delegados doutras peñas de Galicia.
Por último, dende a peña agradecen a todas as empresas e comercios da Mariña a súa colaboración económica para axudar a sufragar os gastos de organización deste evento, cuxo presuposto total é duns 35.000 euros.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
