Lugo, 25 de maio de 2015.- “Son os mellores resultados de toda a historia do Partido Socialista na provincia”. Así de contundente se manifesta o secretario Provincial –Juan Carlos González Santín-, logo de valorar os resultados da xornada electoral de onte. E é que o PSOE conseguiu manter todas as alcaldías existentes, agás a de Monterroso, e gañou outras dez. Deste xeito, o dirixente dos socialistas sinala que “os cidadáns falaron alto e claro. Decidiron co seu voto seguir na senda do progreso baixo os gobernos progresistas, tanto na Deputación como en moitas alcaldías”.
“Sen dúbida, gañaron os lucenses e os veciños desta provincia. Gañaron as persoas que queren gobernos que pensen nas persoas”, indica Santín e engade que, grazas a este apoio, o Partido Socialista conseguiu revalidar a Deputación por terceiro mandato consecutivo. “Por iso, quero dar as grazas a todos os lucenses que exerceron o seu dereito ao voto porque, con independencia do partido que apoiaron, contribuíron a exaltar a democracia: a mellor oportunidade que temos os cidadáns de facernos escoitar”, afirma o secretario Provincial.
“Traballamos duro”
Neste senso, González Santín agradeceu o traballo levado a cabo por todos os candidatos da provincia, “os mellores, sinalou, para representar os veciños dos 67 concellos”.
“Traballamos duro e sentimos o apoio da cidadanía. Por iso, creo que mereceu a pena”. A este respecto, o secretario Provincial destaca que “o estilo de campaña levado a cabo estivo marcado pola proximidade, o diálogo e a participación dos veciños e veciñas”; un estilo, sinalou, “que marcará tamén os gobernos locais acadados”. En definitiva, subliñou, “foi unha campaña limpa e transparente”.
Comezou o traballo
Asemade, engadiu que neste período “escoitamos a todos, fomos a todas as comarcas e a practicamente a todos os concellos. Por iso, dende aquí agradezo, unha vez máis, a confianza depositada e xa lles digo que non os imos a defraudar”, afirmou con rotundidade González Santín. Tal é así, que “dende hoxe mesmo xa comezamos, e xa comecei, a traballar para situar a un socialista na presidencia do Goberno e, dentro dun ano e medio, a José Ramón Gómez Besteiro na Xunta de Galicia”, conclúe.
Importante aumento de representación
Logo da análise dos resultados, obtense que o PSOE aumenta considerablemente, con respecto a 2011, o número de concelleiros en cinco dos seis partidos xudiciais, que son os seguintes: A Fonsagrada, Lugo, Mondoñedo, Monforte e Vilalba, así como o número de edís en 33 municipios (Antas de Ulla, Bóveda, Carballedo, Chantada, Monforte, Portomarín, Fonsagrada, Navia de Suarna, Ribeira de Piquín, Baralla, Becerreá, Castroverde, O Corgo, O Incio, Láncara, Meira, Pol, Abadín, Burela, Lourenzá, Mondoñedo, A Pontenova, Ribadeo, Trabada, O Valadouro, Viveiro, Quiroga, Ribas de Sil, Begonte, Cospeito, Guitiriz, Vilalba e Xermade).
Por outra banda, cómpre sinalar que os socialistas acadaron maiorías absolutas en 17 concellos: A Fonsagrada, Navia de Suarna, Negueira de Muñiz, Ribeira de Piquín, Burela, Lourenzá, A Pontenova, Trabada, Ribas de Sil, Becerreá, Castroverde, Cervantes, O Incio, Meira, Pedrafita do Cebreiro, Pol e Samos.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
