O portavoz do Grupo Parlamentario Popular e presidente do PP de Lugo, José Manuel Barreiro, destacou este mércores, durante unha rolda de prensa celebrada xunto aos deputados nacionais e os senadores populares, que os datos de paro correspondentes ao mes de abril poñen de manifesto “a estable e acelerada creación de emprego no último ano, cunha baixada nas cifras de paro en todas as Comunidades Autónomas”.
O portavoz dos populares na Cámara Alta valorou como “moi positivos” os datos de paro correspondentes ao mes de abril, cunha baixada de 118.923 persoas, “o maior descenso en toda a serie histórica”, remarcou.
Así mesmo, Barreiro resaltou os datos de afiliación á Seguridade Social, cun incremento de 175.495 persoas, recuperando o nivel dos 17 millóns de afiliados. “Estes datos demostran -subliñou- que o obxectivo de chegar aos 20 millóns de ocupados ao final da seguinte Lexislatura é cada día máis real e posible”.
CONTRATOS INDEFINIDOS
En canto ao número de contratos rexistrados no mes de abril, o portavoz do PP recordou que os novos 1.440.381 contratos asinados supoñen unha subida por encima do 11% respecto ao mesmo mes do ano 2014.
Ademais, o número de contratos indefinidos segue crecendo, asinándose 123.459 o pasado mes. Segundo José Manuel Barreiro, “estas cifras demostran que segue mellorando a creación de emprego de calidade”, aínda que recoñeceu que hai que seguir traballando para afianzar a recuperación económica de España.
CREACIÓN DE EMPREGO EN GALICIA
Durante a súa comparecencia ante os medios de comunicación, o presidente dos populares lucenses tamén quixo valorar as cifras de paro correspondentes á Comunidade Autónoma de Galicia, cun descenso no número de parados de 7.376.
Na súa opinión, “os bos datos demostran que as políticas e reformas levadas a cabo polo Goberno de Mariano Rajoy irán na boa dirección” e eran necesarias para que España volvese á senda da recuperación económica e á creación de emprego estable.
En canto á provincia de Lugo, o paro rexistrado no mes de abril baixou en 882 persoas, a maior redución do desemprego en términos relativos na comunidade galega, cun 3,54 por cento menos no número de parados.
O número de parados na provincia situouse no mes de abril nas 24.039 persoas, segundo os datos rexistrados nas oficinas dos servizos públicos de emprego. En variación interanual, a provincia galega cun maior descenso relativo tamén foi Lugo, cunha caída do 11,02 por cento, é dicir, 2.977 desempregados menos que no mes de abril de 2014. Con respecto aos contratos, en Lugo subscribíronse 7.276, o que supón un incremento en 725 máis con respecto ao mes anterior.
ESTABILIDADE E REFORMAS
José Manuel Barreiro afirmou que tanto a baixada do paro como as mellores previsións económicas para este ano, “constatan que a recuperación económica é firme e sólida”, aínda que sinalou que a creación de emprego “seguirá sendo a prioridade do Goberno do Partido Popular.
A nova revisión ao alza do crecemento de España para este ano, fixada no 2,9%, así como a previsión de creación de emprego, máis de 600.000 novos postos en 2015, “demostran que a ambiciosa axenda reformista que puxo en marcha Mariano Rajoy fai tres anos era a acertada e está dando resultados”.
Así, Barreiro apuntou que a previsión do Executivo entre 2015 e 2018 é crear en torno ao medio millón de empregos cada ano, para poder recuperar os 20 millóns de traballadores unha vez que conclúa a próxima Lexislatura.
Para iso, o portavoz do PP resaltou as reformas estruturais a nivel nacional que vai emprender Mariano Rajoy, así como as reformas que se acometerán desde a Unión Europea, tales como a maior integración fiscal e unha política económica que impulse o investimento e o crecemento.
En canto ás reformas estruturais que se poñerán en marcha en España durante este ano, Barreiro fixo fincapé naquelas que van dirixidas á loita contra o desemprego; o fomento do crecemento e a competitividade; a eficiencia das Administracións Públicas e a loita contra a fraude fiscal.
Para rematar, o presidente do PP de Lugo puxo de relevo as declaracións do comisario europeo de Estabilidade Financeira, que este martes asegurou que España está “indicando o camiño” do crecemento en Europa, ademais de valorar moi positivamente as cifras de creación de emprego e crecemento económico do noso país. “En Europa recoñecen claramente que España crece máis rápido que os países da nosa contorna e que as cifras de crecemento son impresionantes”, concluíu.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
