A Mariña, 30 de maio 2015.- O Bloque Nacionalista Galego considera “unha irresponsabilidade” e “unha nova tomadura de pelo do Partido Popular aos cidadáns e cidadás da comarca da Mariña” o peche de camas no Hospital da Costa durante os meses de verán, por ser precisamente esta “a época na que máis poboación hai na comarca da Mariña” e esixe á Xunta “que adopte as medidas necesarias para garantir que o Hospital de Burela funcione a pleno rendemento durante os meses de xullo, agosto e setembro”.
A responsable comarcal do Bloque, Ana Ermida, denuncia que o Hospital de Burela funcionará “a medio gas” nos vindeiros meses e alerta de que isto vai repercutir “no empeoramento da atención sanitaria á cidadanía e no aumento das listas de espera”. Os nacionalistas denuncian que o Sergas non contratará persoal para cubrir as vacacións dos médicos e do persoal sanitario do hospital, polo que “moitos servizos só poderán atender as urxencias e deixarán de recibir pacientes e atender consultas, o que aumentará as listas de espera, que xa hoxe son moi elevadas para determinadas especialidades ou probas diagnósticas”.
Ana Ermida argumenta que “a xente non escolle o mes para enfermar” e di que “o Hospital de Burela ten que estar preparado e plenamente operativo para atender a toda a poboación, tanto aos habitantes da comarca da Mariña como a toda a xente que ven pasar as súas vacacións á comarca nestes meses”.
Para a responsable comarcal do Bloque, “esta é unha mostra máis do desprezo da Xunta de Feijóo pola comarca da Mariña” e acusa ao presidente da Xunta de “faltar ao respecto aos habitantes da Mariña por anunciar a bombo e platillo na campaña electoral a ampliación do Hospital da Costa e unha vez que xa pasaron as eleccións reducir os servizos que presta o Hospital de Burela á poboación e empeorar unha vez máis a calidade asistencial na Mariña”.
“Coa saúde da xente non se xoga”
A responsable do Bloque na comarca acusa tamén “aos alcaldes, deputados e responsables do Partido Popular na Mariña” de ser “cómplices” dos recortes sanitarios de Feijóo. “Balseiro e os alcaldes do PP da Mariña venden á comarca diante de Feijóo”, afirma Ana Ermida, que lembra que “os cidadáns e cidadás da Mariña xa castigaron o 24 de maio nas urnas esta actitude do PP, que perdeu na comarca o 28% dos votos”. “Un de cada catro mariñáns e mariñás que votaran hai catro anos ao Partido Popular retiráronlle o seu apoio”, resume Ana Ermida.
Pola contra, a responsable comarcal do BNG insiste en que “para o Bloque a sanidade é o primeiro” porque “coa saúde da xente non se xoga” e reitera que “tal como xa anunciamos na campaña electoral, a defensa da sanidade pública, do Hospital da Costa e do dereito dos veciños e veciñas da Mariña a contar con servizos médicos de calidade tanto no hospital como nos centros de saúde da comarca será unha prioridade para o BNG nestes catro anos”. E anuncia que o 40concelleiros e concelleiras que obtivo o BNG na comarca da Mariña o pasado domingo non permitirán “ningún recorte máis nos servizos públicos e no benestar social da pobiación”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
