Barreiros, 16 de maio de 2015.- O BNG de Barreiros presentou este venres pola noite o seu “Programa de Goberno” ás asociacións do concello, despois de que o candidato do PP, Alfonso Fuente Parga, se negara a celebrar un debate público, solicitado por 23 asociacións do concello. A candidata do BNG á alcaldía de Barreiros, Ana Ermida, expuxo as principais medidas que propón o BNG para “facer de Barreiros un Concello onde haxa verdadeira democracia, transparencia absoluta e participación real dos veciños e veciñas nas decisións do Concello”.
Ao acto celebrado no centro social Manuel Díaz Sampedro de San Cosme asistiron representantes do tecido asociativo barreirense, desde asociacións de veciños das distintas parroquias, asociacións culturais e deportivas, clubes de fútbol e as asociacións de pais e nais de alumnos dos dous colexios do municipio. Ante eles Ana Ermida defendeu que “Barreiros ten que ter democracia e a xente ten que poder falar” e para iso propuxo que “os plenos municipais teñen que valer para que a xente leve os seus problemas e propostas”. “Elaboraremos un regulamento de participación cidadá para que non só as concelleiras e concelleiros poidan falar nos plenos, senón tamén as asociacións e a veciñanza, para que así as veciñas e veciños teñan voz e voto cada día e non cada catro anos”.
A cabeza de lista do Bloque defendeu tamén que ten que haber “total transparencia” nas contas do Concello. “As veciñas e veciños teñen que saber cantos cartos ten o Concello e decidir onde se van gastar, nós faremos orzamentos participativos e os asuntos e as contas do Concello faranse públicas a través da súa publicación na páxina web municipal, para que todos os veciños e veciñas de Barreiros saiban a que se dedican os seus impostos”, comprometeuse.
“Un concello vivo”
O BNG defende que “Barreiros ten que ser un concello vivo” para o que se ofrece a “colaborar con todas as asociacións que hai no municipio, que son moitas, e que fan en moitos casos o traballo que o Concello non fai por desidia e falta de interese”. Para iso, se o BNG consegue a alcaldía o vindeiro domingo, “as actuacións culturais, deportivas, sociais ou de outro ámbito que se leven a cabo desde o Concello faranse de xeito coordinado e en colaboración coas asociacións ou organizacións existentes”, avanza Ana Ermida. Con ese obxectivo, o Bloque creará Consellos Municipais sectoriais para cada ámbito e Consellos Parroquiais “para escoitar aos veciños e ás asociacións e que sexan parte do Goberno municipal”. O Bloque tamén se compromete a “garantir a igualdade de trato entre as distintas asociacións” e crear unha liña de axudas “podendo acceder ás mesmas en base a criterios públicos, obxectivos e iguais para todas elas”.
Darlle uso aos locais sociais que hai nas parroquias
Dentro do obxectivo de dinamizar as distintas parroquias, o BNG quere aproveitar as antigas escolas, teleclubs e locais sociais das parroquias para convertelos en “espazos polivalentes e con actividade continua” para a creación cultural e artística (locais de ensaio para grupos de música, espazos para intercambio de traballo creativo, salas de exposicións, etc.), espazos habilitados para uso lúdico e formativo (obradoiros de carpintería, automoción, novas tecnoloxías, clases de música, etc.) para que as mozas e mozos poidan ocupar o seu tempo de lecer con alternativas saudables e de proveito, e como espazos para esparcimento e saúde das persoas maiores: achegar servizos como podoloxía, fisioterapia, etc. ao tempo que se impartan actividades destinadas a ese público.
Habilitación dun edificio público para ser usado por persoas autónomas que precisen dunha oficina ou despacho de atención ao público, de xeito que supoña axuda ao emprendemento laboral e abaratamento dos costes de traballar por conta propia.
“Alfonso Fuente non se atreve a debater co Bloque”
A candidata á alcaldía do BNG loubou a iniciativa asinada por 23 asociacións de Barreiros para que se celebrara un debate público entre as distintas formacións políticas que se presentan á alcaldía e criticou a “cobardía política” do candidato do PP, Alfonso Fuente, “que se negou a vir ao debate porque non se atreve a debater co Bloque”. Ana Ermida dixo que “con esta actitude antidemocrática Alfonso Fuente deixou patente o seu concepto de transparencia e participación e o seu desprezo polo traballo das asociacións”. “O alcalde non dá a cara, o Bloque si”, concluíu a cabeza de lista do BNG.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
