O BNG fai unha valoración moi positiva dos resultado obtidos nas eleccións municipais celebradas este domingo. A organización nacionalista obtivo 825 votos, 183 máis que hai catro anos, e obtén dous concelleiros, un máis que nas pasadas eleccións municipais, quedando ás portas da terceira acta por só 18 votos. En termos porcentuais, o BNG mellora os resultados obtivos en 5 puntos, pasando do 13% ao 17% dos votos. Deste xeito, o BNG mellora tamén os resultados en termos de representación, ao obter dúas actas e quedando a escasos votos da terceira”.
Mario Pillado e o conxunto da candidatura queren agradecer a todas as persoas que deron o seu apoio ao BNG, pola confianza depositada no proxecto nacionalista. Pillado destacou os resultados obtivos e adiantou que “o BNG seguirá traballando a pé de rúa, para dar voz aos veciños e veciñas durante estes catro anos”.
O PP recibe un duro castigo por parte da veciñanza e perde a maioría absoluta
O PP sofreu un forte retroceso en Burela, ao pasar de sete a catro concelleiros e perdendo a maioría absoluta. Pillado sinalou que “son os peores resultados do PP na historia de Burela, perdendo 928 votos con respecto a hai catro anos e pasando do 46% ao 29% dos votos, 17 puntos por baixo dos resultados obtidos nas pasadas eleccións municipais”. “Os veciños e veciñas tomaron nota da pésima xestión do PP á frente do Concello e castigaron un goberno municipal que deu as costas á xente durante estes catro anos”, indicou Pillado.
O BNG destaca que Burela votou polo cambio, como se deduce dos resultados obtidos polo BNG e PSOE, que acadan unha e dúas actas máis, respectivamente. Desde a formación nacionalista poñen en dúbida que a maioría absoluta do PSOE sexa o mellor resultado para Burela, máis aseguran que “o BNG fará unha oposición seria, responsábel e construtiva, e que se fará un control rigoroso da xestión do goberno”. “O BNG vai continuar o traballo desenvolvido durante estes catro anos, en contacto coa xente, e traslando ao Concello aquelas iniciativas que sexan de interese xeral e beneficien ao conxunto dos veciños e veciñas de Burela”, salientaron desde a formación nacionalista.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
