8 de maio de 2015- O Ministerio de Agricultura, Alimentación e Medio Ambiente, a través da Dirección Xeral de Sostibilidade da Costa e do Mar, está realizando diversas actuacións no litoral de Galicia para reparar danos ocasionados por temporais e que supoñen un investimento de máis de 1,5 millóns de euros. O compromiso do Ministerio é garantir que todas as praias afectadas por temporais estean en perfecto estado para o seu uso polos cidadáns este verán.
Lugo
En Ribadeo.- Está en execución unha pequena escolleira para evitar o descalce do paseo marítimo de Rinlo.
En Barreiros.- Retiráronse as terras procedentes do desmoronamento do noiro sobre o único acceso á praia de San Bartolo para facilitar a entrada e seguridade dos usuarios.
En Foz.- Estase realizando o recalce da escolleira da Praia de *Arealonga así como da praia da Pampillosa.
En Burela.- Estase executando un elemento de protección contra a entrada de area no paseo marítimo e en casas aledañas na praia urbana de Burela.
En O Vicedo.- Vaise a executar o arranxo das pasarelas de madeira nas praias de Abrela e San Román como consecuencia do ataque dos temporais.
O investimento total destas actuacións en Lugo é de 99.500 euros.
Estas obras, con carácter de urxencia, forman parte do Plan Litoral 2015 que comprende todas as actuacións necesarias para reparar os danos causados no litoral polos temporais. Este Plan conta cun investimento global de máis de 21 millóns de euros, e comprende preto de 50 actuacións ao longo do litoral español para restauración de infraestruturas danadas, paseos marítimos, accesos a praias e reposición de area, así como diversos traballos para asegurar e protexer as nosas costas.
O orzamento destinado a este Plan forma parte do Real Decreto- Lei 2/2015, aprobado o 6 de marzo polo Consello de Ministros, polo que se adoptan medidas urxentes para reparar os danos causados polas inundacións e outros efectos dos temporais de choiva, neve e vento ocorridos nos meses de xaneiro, febreiro e marzo de 2015.
Toda a información sobre o Plan Litoral 2015 pódese consultar no seguinte enlace: http://bit.ly/1GDmtdN.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
