Lugo, 8 de maio de 2015.- O voceiro do PP no Senado e presidente do PP de Lugo, José Manuel Barreiro e o deputado nacional lucense, Joaquín García Díez, pediron na tarde deste venres ao PSOE que deixe de manipular as respostas do Goberno Central.
Os populares, os que ven nas declaracións dos socialistas un exemplo claro de demagoxia e falta de rigor, “algo propio das súas estratexias electorais”, explican que das respostas do Goberno ás preguntas presentadas no Congreso, en ningún momento se pode concluír que o Executivo desista de abordar a conexión por alta velocidade de Lugo con Madrid.
Facéndose eco do manifestado polo seu partido hai case un mes, “os que agora esixen, incumpriron gravemente con Lugo cando tiveron responsabilidades de Goberno”, en referencia aos socialistas, Barreiro e García Díez instaron ao PSOE a abandonar, dunha vez, a estratexia que pretenden emprender en época electoral, que non é outra que acudir á mentira e á demagoxia para prexudicar aos Gobernos do PP.
Voceiro do Senado e deputado, recordaron que o PSOE rexeitou as demandas referidas a priorizar investimentos en materia de ferrocarril para Lugo e tivo que ser un goberno do PP o que puxo en marcha un tren Alvia que conecta diariamente e en horario diúrno Lugo con Madrid.
Neste sentido, lamentaron, que agora, e en campaña electoral, os socialistas e especialmente o señor Orozco que é alcalde dende 1999 e o ex ministro e eurodeputado socialista, José Blanco que mantivo a carteira de Fomento durante os últimos anos dos gobernos de Zapatero, vingan a facer este tipo de manifestacións.
“Por moitas mentiras que agora pregoe o PSOE, os lucenses saben ben os que traballan e que deixan 40.000 millóns de débedas tras a súa xestión, os que van conseguindo melloras e avances en materia de comunicacións ferroviaria e por estrada e os que se dedicaron soamente a presentar Plans que nunca viron a luz” – concluíron.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
