Burela, 16 de maio de 2015.- O Burela FS Pescados Rubén volveu demostrar que a motivación de duelo irmandiño non se lle dá nada mal; reinou no último derbi galego da tempada impoñéndose a domicilio 1-3 ante o Poio Pescamar FSF.
As pupilas de Iván Cao, Lucas, tiveron que remar fronte ao tanto temperán das pontevedresas, que xa no minuto 2 conseguiron adiantarse no marcador ao quedar Ana Carolina soa ante Jozi tras un desaxuste laranxa nunha parede. As mariñás souberon recompoñerse aos poucos e tiveron paciencia para atopar o oco idóneo nas filas do Poio, que apenas xerou perigo sobre a meta burelista, a excepción dun par de contras; a falta dun minuto para o descanso, Peque anotou a igualada de cabeza tras un pase longo de Jozi.
Tras o descanso, a cor laranxa cobrou máis brillo sobre a pista, subindo ritmo e liñas. Con todo, o Burela FS tivo que esperar ata superar o ecuador da segunda parte, no minuto 33, para poñerse por diante nas zapatillas de Maite, que aproveitou un rexeite de Peque ao segundo pau, tras saque de esquina. A 7 mariñá si puido marcar o seu segundo gol do encontro tan só un minuto despois; Peque selou o definitivo 1-3 soa ante a portería pontevedresa tras unha xogada individual de Cris pola banda superando as filas locais.
Ficha técnica
Poio Pescamar FSF: Silvia, Claudia, Ana Carolina, Yolanda, Elena (cinco inicial). Tamén xogaron Jennifer, Souza, Rosario, Tania, Nerea e Zara
Burela FS Pescados Rubén: Jozi, Peque, Gaby, Claudia, Cris (quinteto inicial). Tamén xogaron Maite, Paula e Patri
Goles: 1-0, min. 2, Ana Carolina; 1-1, minuto 19, Peque; 1-2, minuto 33, Maite; 1-3, minuto 34, Peque
Árbitros: Roberto Amor // Rubén Pena (Ferrol)
Tarxetas: Por Poio amarela a Rosario (minuto 30). Por Burela amarela a Paula (minuto 29)
Incidencias: Partido correspondente á 28ª xornada de Primeira División RFEF, disputado no pavillón municipal de Poio.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
