Cervo, 26 de maio de 2015.- A Praza dos Campos de San Cibrao acollerá este sábado 30 unha concentración de coches VAG, é dicir, vehículos das marcas Volkswagen, Seat, Audi ou Skoda entre outros. Membros da entidade organizadora, VAG Lugo, e o Concello de Cervo, que colabora, presentaron o cartel e o programa.
Unha concentración que se vén celebrando hai un ano de forma mensual en diferentes puntos de Galicia, que adoita a convocar centos de persoas, e que nesta ocasión chega ao seu primeiro aniversario.
A quedada iniciarase a partir das 11.00 horas, cando comezarán a chegar os vehículos e que se reunirán na praza dos Campos, onde se concentrarán a maior parte das actividades.
Desta maneira, os coches estarán tamén dispoñibles para que todas as persoas que queiran poidan velos, “como un atractivo para os amantes do motor”, asegura o edil de Seguridade Cidadá en funcións, José Ramón Soto, que participou na presentación xunto ao alcalde en funcións, Alfonso Villares e representantes de VAG Lugo.
Para participar é preciso inscribirse, e o evento está aberto a todas as persoas con vehículo Vag, xa sexa moderno ou histórico, sen ningún tipo de exclusión máis alá das marcas. O prazo está aberto ata este mércores 27 de maio e o prezo é de 25 euros por persoa, incluíndo xantar e participación en todas as actividades. Para anotarse é necesario chamar ao 600 00 28 69. Haberá festa con discoteca móbil durante todo o día e tamén agasallos e trofeos.
“Esta é unha concentración que en cada edición convoca a centos de persoas en torno ao mundo do motor, tanto aos propietarios dos vehículos como público interesado en ver diversos modelos de coches e, polo tanto, é un evento que encherá de actividade o noso concello e que redundará no noso comercio e hostalería durante a fin de semana” asegura Soto.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
