Alfoz, 30 de maio de 2015.- Onte venres 19 de maio, de 2015 os membros da candidatura de Veciños Independentes de Alfoz, realizaron a primeira reunión da agrupación tras as eleccións para analizar os resultados e trazar o camiño a seguir de cara á constitución do novo goberno municipal.
Analizados os resultados, desde VIA considerase que se debe entender a mensaxe que enviou o electorado o pasado domingo 24 de maio, unha mensaxe de cambio que foi sempre promovida por esta agrupación.
Desde VIA considerase un acto de responsabilidade escoitar as impresións do resto dos grupos electos elixidos polo pobo para conducir os próximos catro anos de goberno en Alfoz.
Aínda así, e ante a inquedanza existente durante os pasados días, provocada en moitos casos polas especulacións interesadas en contra desta formación e do seu candidato, quérese expresar que desde VIA nunca se dubidou do camiño a seguir, e ese camiño é o do cambio, pois como rezaba o noso cartel electoral “Existe outra vía”.
Para evitar máis especulacións, desde a agrupación quere deixarse claro que o primeiro paso para o cambio pasa por non apoiar a continuidade do actual goberno.
Unha vez feita esta aclaración, iniciaranse os contactos pertinentes para dotar a Alfoz dun goberno o máis estable posible que poda conducir os destinos de Alfoz durante a próxima lexislatura. Para a toma de decisións, desde VIA terase en conta non so as propostas recibidas senón tamén a opinión dos nosos votantes e simpatizantes, así como a conservación da identidade propia da nosa agrupación.
Xabier Pardiñas, candidato de VIA, apuntaba que “Alfoz necesita un sopro de aire fresco, os veciños abriron as fiestras e nós debemos deixar que ese aire entre. O domingo abriuse un novo camiño, unha nova vía, e nós queremos compartir ese camiño con vós, seguir apostando por formas de actuar diferentes, saír a falar cos veciños e veciñas de Alfoz e traballar todos xuntos polo futuro de Alfoz”.
Os membros de Veciños Independentes de Alfoz queremos mostrar o noso agradecemento ós veciños e veciñas que apoiaron esta candidatura o pasado domingo, polo que nos seguiremos esforzando para poder corresponder á confianza depositada con ilusión, humildade e traballo.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
