Lugo, 25 de xuño de 2015.- A directora de Turismo de Galicia, Nava Castro, e a directora xeral de Conservación da Natureza, Verónica Tellado, mantiveron este xoves un encontro de traballo coa Asociación de Hostaleiros de Lugo sobre o funcionamento do sistema de regulación de acceso ao Monumento Natural das Catedrais.
As representantes da Xunta de Galicia explicáronlle de primeira man aos representantes da Asociación o procedemento que regulará o acceso deste espazo protexido durante os meses de xullo, agosto e setembro e na Semana Santa, cun límite de 4.812 persoas ao día.
Durante a reunión, as directoras destacaron que todos aqueles que pernocten en Ribadeo ou usen o transporte público para chegar á praia de As Catedrais terán o acceso asegurado.
Guía “Alén das Catedrais”
Así mesmo, as representantes da Xunta de Galicia presentaron ao sector a nova guía “Alén das Catedrais” na que se recollen ata trece rutas distintas para descubrir este recanto de Galicia.
Esta completa guía, de 40 páxinas, axuda aos turistas a coñecer sete municipios da Mariña Lucense a través de diversas rutas que teñen como punto de partida a praia de As Catedrais indicando o tempo e distancia dende este monumento natural ata o destino.
Trátase de itinerarios dende unha ata tres horas de duración clasificados por diversas temáticas.
Así, o primeiro capítulo “Mar e natureza infinita” propón cinco rutas diferentes: “A ría azul de Ribadeo”, “Das Catedrais a Rinlo”, “De Rinlo a illa Pancha”, “Barreiros é mar” e “Rinlo, berce do percebe”.
Un segundo capítulo dedicado a “Percorridos pola historia” invítanos a descubrir catro rutas: “Os pasos do mariscal Pardo de Cela”, “Historia e mar en San Cibrao”, “Lourenzá, a terra da faba”, e “A cultura castrexa na Mariña”
No terceiro capítulo “Pegada industrial” a guía detense na “Cerámica de Sargadelos” e na “Pesca do bonito en Burela”.
No carto capítulo “Ollada á arquitectura” a guía inclúes dúas rutas denominadas “O recordo indiano en Ribadeo” e “A riqueza de Mondoñedo”.
Ademais, a guía dedica unhas páxinas ás praias e miradoiros de A Mariña incluíndo fotografías, mapas e recorridos infográficos, servizos e información de interese para os visitantes.
Deste xeito, facilítase ao visitante o descubrimento de outros concellos de gran atractivo turístico como Barreiros, Burela, Cervo, Foz, Alfoz, Lourenzá y Mondoñedo.
Un impulso ao turismo da comarca
A directora de Turismo de Galicia destacou que o obxectivo é impulsar o turismo en toda a comarca e aumentar a estadía media do turista que se achega a coñecer este famoso paraxe.
Así mesmo, Nava Castro sinalou que esta nova publicación axudará a continuar mellorando os espectaculares datos turísticos que acada cada ano esta comarca.
No pasado ano a Mariña Lucense acolleu a máis de 135 mil viaxeiros que realizaron máis de 256 mil pernoitas, o que supón un incremento de turistas do 8% en relación ao ano 2013 e unha suba das pernoitas do 7%.
No que vai deste ano 2014 as cifras van en aumento, xa que no primeiro cuadrimestre do ano chegaron xa a Mariña máis de 27 mil turistas, un 16% máis que no mesmo período do ano pasado.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
