Burela, 3 de xuño de 2015. O equipo de goberno en funcións do Concello de Burela manifestou hoxe que nos vindeiros días pasarase ao cobro o recibo da contribución urbana do presente ano, que ten como novidade que por primeira vez se tributará co tipo máis baixo que autoriza a normativa vixente, é dicir, o 0’4%.
Deste xeito afirman “queda absorbido gran parte do incremento que habería de non ter producido a baixa do tipo impositivo, tal e como se indicou no seu día. Se en 2014 o padrón en concepto de contribución urbana ascendía a 1.895.494 euros, en 2015 o padrón ascende a 1.911.830 euros. Isto supón un aforro total para o conxunto de veciños de aproximadamente 160.000 euros, ou sexa un aforro de 16 euros por cada un dos dez mil cidadáns que ten Burela”.
O equipo de goberno pon como exemplo “deste xeito, un piso de 115 m2 ubicado en Arcadio Pardiñas na zona de O Campón que pagou de IBI 228’15 euros en 2014, este ano pagará practicamente o mesmo, concretamente 229’80 euros. Na zona do centro, unha casa unifamiliar de dúas plantas e con finca anexa que pagou 295’61euros en 2014, en 2015 pagará 301 euros”.
Ademais, desde o goberno local en funcións afirman que os veciños tamén pagaron menos este ano polo imposto dos coches, polos bados e polo mantemento do cemiterio, en concreto un 0’5%.
Finalmente, o goberno burelés en funcións lembra que a revisión dos valores catastrais foi solicitada, tal e como se dixo en reiteradas ocasións, en decembro do ano pasado. Os traballos técnicos realizaranse durante este ano 2015; en 2016 se exporán ao público e se resolverán as alegacións que se presenten, e entrará en vigor con efectos de un de xaneiro de 2017.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
