Ribadeo, 23 de xuño de 2015.- Do 3 ao 5 de xullo terá lugar no parque de San Francisco a segunda edición da feira do libro de Ribadeo, recuperada o ano pasado. O evento no que haberá diferentes actividades para nen@s e adultos foi presentado este martes pola tarde na Biblioteca Municipal polos concelleiros Mariluz Álvarez Lastra e Farruco Graña e polas librarías ribadenses participantes.
As nove casetas de feira do libro abrirán en horario de 12 a 14 horas e de 18 a 22 horas. A inauguración está prevista para o 3 de xullo ás 20 horas. O pregón será pronunciado polo escritor ribadense Xavier Rodríguez Baixeras, que ao día seguinte realizará un percorrido poético pola vila a partir das doce do mediodía. A continuación do pregón haberá unha actuación musical a cargo do alumnado da Escola Municipal de Música e Danza de Ribadeo.
Tanto sábado coma domingo de 11:30 a 13:30 horas terá lugar un obradoiro de creación de libros pop up e escritura creativa. Será na carpa instalada no parque. As prazas son limitadas. A inscrición realizarase media hora antes do inicio da actividade. Os nenos e nenas tamén gozarán o domingo da presentación de Xoguetes naturais, a cargo de Pícarosmundi. Será ás seis da tarde e a continuación haberá un obradoiro de xoguetes no que os menores deberán estar acompañados dunha persoa adulta.
Para o sábado ás 20:30 horas está prevista a actuación de Cándido Pazó co seu espectáculo Candideces. E tamén ese día ás 21:30 horas, organizado por Pícarosmundi en colaboración con Legado Gourmet e La Galería 56, haberá Maridaxes literarias: viños e libros. Durante os tres días da feira están previstas as presentacións de varios libros como Mondoñedo literario de Armando Requeixo, As tres xarolas de Inés Fernández, Coñece o abecederario da Mesa pola Normalización Lingüística, Dun largo escuro de Marta Dacosta, Tempos do norte a cargo de Mónica Justo e Roberto Martínez, e A Casa do Vapor, de Maumarela.
O domingo, 5 de xuño, o alumnado da EMMeD realizará a performance Orballo a partir das 12:20 horas e ás 13 horas María Justo dirixirá unha exhibición de danza no Cantón.
Coa actuación do Grupo de Teatro de Ribadeo o domingo ás 20:30 horas, interpretando un fragmento de O inspector, clausurarase a segunda feira do libro.
Mariluz Álvarez Lastra subliñou que “cada persoa que merque un libro infantil será agasallado cun exemplar de Os Bolechas van á Mariña lucense. E por cada compra superior a 15 euros darase un boleto para o sorteo dun lote de libros e dunha cesta de froitas e verduras do mercado de Ribadeo. Os boletos estarán vinculados ao sorteo do día que se fixo a compra e que terán lugar as tres xornadas: venres, sábado e domingo a partir das nove e media da noite nas inmediacións da feira”.
A concelleira nacionalista agarda que o tempo acompañe e anima “a pequenos e maiores a acudir a esta feira do libro e a gozar das actividades e obradoiros programados para eses días”. E agradeceu o traballo realizado polos técnicos, polo persoal municipal implicado e polas librarías para que o evento sexa unha realidade.
Farruco Graña dixo que “esta segunda feira do libro ten unha vertente máis universal, pero sen esquecer o libro galego e na mesma queremos mimar todos os ámbitos: o d@s nen@s, o d@s moz@s e o d@s adult@s”.
A feira do libro está organizada polo Concello de Ribadeo e conta coa colaboración da Deputación de Lugo, a EMMeD, o Grupo de Teatro de Ribadeo, La Galería 56 e Legado Gourmet e as librarías ribadenses: Vivín, Gráficas Santiago e Pícarosmundi.
As librarías participantes son: Aenea, Nobel, Balmes, Gran Enciclopedia Galega, Anticuaria Galgo, Pícarosmundi, Gráficas Santiago, Vivín e o Servizo de Publicacións da Deputación de Lugo.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
