Foz, 12 de xuño de 2015. A oficina de turismo do Concello de Foz, que está situada no edificio do Cenima, amplía o seu horario a partir do vindeiro luns, día 15, e incorporará un traballador máis para a tempada de verán.
A concelleira de Turismo, Maite López Rego, explicou que “como todos os anos nestas datas, vamos aumentar o horario da oficina de turismo. Terá xornada partida: pola mañá atenderemos desde as 10 ás 14 horas e pola tarde de seis a oito. É un horario provisional, que empezará o luns, 15 de xuño, e manterase ata o 15 de setembro. Pero digo que é provisional porque está a punto de entrar unha persoa nova que reforzará este servizo durante os meses de verán, como nos últimos 4 anos, que levamos gobernando no Concello. Vai haber unha persoa que reforzará o traballo da actual técnico de turismo e nese momento, cando se incorpore, ampliaremos aínda un pouquiño máis este horario para atender os sábados e, se é posible, os domingos tamén, e máis horas durante a semana”.
Maite López Rego engadiu que “como todo o mundo sabe, o concello de Foz move moito no sector turismo e hai que apoiar e reforzar este servizo para que todos os visitantes que acudan este verán ao noso concello se sintan atendidos e informados en todo momento das cousas que hai no noso municipio e tamén nos do arredor. Non podemos esquecer que o noso entorno é A Mariña, polo que desde a oficina de turismo daráselles información loxicamente da vila de Foz e das súas parroquias, pero tamén de outras cousas que se poden ver en concellos veciños, como poden ser As Catedrais, O Castelo de Burela e outros lugares”.
A concelleira de Turismo focense rematou desexando “a veciños e visitantes un feliz verán e esperemos que o resultado ao final sexa satisfactorio, que non haxa ningún tipo de incidente e cada un goce o mellor posible do verán”.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
