Ribadeo, 24 de xuño de 2015.- A Xunta de Galicia desenvolverá este mércores na Praia das Catedrais unha xornada informativa sobre o Plan de Conservación e as medidas de ordenación de acceso que se porán en marcha este verán. Tendo en conta que a xornada de San Xoán é festivo en moitas localidades, guías do servizo de Conservación da Natureza informarán aos visitantes sobre o sistema de regulación de acceso que entrará en vigor o vindeiro 1 de xullo, sobre outras posibilidades de visita pola zona, os horarios de preamar e baixamar que condicionan as horas máis recomendables de acceso, así como dos valores do medio que permitiron declarar como Monumento Natural este espazo da costa da mariña lucense.
Tendo en conta que a baixamar será ás 16.30 horas, estes traballos desenvolveranse entre as 15.30 e as 18.30 horas, o tempo máis propicio para as vistas. Estarán supervisados polo subdirector de Conservación da Natureza e a xefa do servizo provincial de Conservación, co obxectivo de coñecer de primeira man todas as posibles incidencias e darlles unha resposta o máis áxil e efectiva posible aos visitantes.
Por outra banda, o departamento de Turismo aproveitará a xornada para recabar información e opinións dos visitantes, mediante enquisas que recollerán o seu grado de satisfacción, como se achegaron ao monumento, como planificaron a visita, e os motivos que os levaron a visitalo. Esta información será valorada para planificar actuacións que melloren o atractivo turístico deste espazo protexido.
Reunión cos comerciantes
Tamén esta tarde, a directora xeral de Conservación da Natureza, Verónica Tellado, e a directora de Turismo de Galicia, Nava Castro, manterán unha reunión coa asociación de Comerciantes, Industriales, Servicios e Autónomos de Ribadeo para explicar o sistema de control de acceso e resolver as súas dúbidas.
As representantes do Goberno galego explicarán aos comerciantes que todas aquelas persoas que acrediten o seu aloxamento nalgún local hostaleiro no concello de Ribadeo estarán autorizadas para acceder á Praia das Catedrais.
Ademais, Tellado e Castro incidirán en que a autorización gratuíta para acceder á Praia das Catedrais poderá descargarse o mesmo día da visita mediante o teléfono móbil. Dese xeito, sempre que non estea completo o límite diario, os visitantes que cheguen ao Monumento Natural sen autorización previa poderán conseguila en poucos minutos a través da aplicación web https://ascatedrais.xunta.es, para o que, se o precisan, contarán con axuda dos guías da Xunta de Galicia.
A través dun procedemento áxil e sinxelo, calquera persoa que queira acudir a este espazo protexido, situado no Concello de Ribadeo, poderá reservar a súa autorización por internet cunha antelación máxima de 15 días e ata o mesmo día da visita.
Esta plataforma tamén proporciona información de interese sobre os horarios das mareas e as horas máis propicias para a visita, así como sobre o número de autorizacións aínda dispoñibles para cada día.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
