Bruxelas, 24 de xuño de 2015.- A eurodeputada de Alternativa Galega de Esquerda en Europa, Lídia Senra, mantivo este mércores en Bruxelas un encontro con traballadores de Correos que realizan o reparto en zonas rurais a fin de coñecer de primeira man as problemáticas deste servizo público e as condicións nas que se atopan as carteiras e carteiros.
Da totalidade das aproximadamente 2.000 persoas que traballan no reparto postal rural no Estado español a metade traballan na Galiza, constituíndo unha profesión de grande proximidade ca cidadanía, sendo nalgúns casos quenes manteñen un contacto máis periódico con persoas maiores que viven no rural ou persoas e familias que viven en zonas especialmente illadas.
Na liña da estratexia de forzar o deterioro de servizos públicos para facilitar a súa posterior privatización, intensificada polo actual Goberno do PP, o servizo xeral de Correos ven sufrindo distintos ataques dende os anos noventa, dando inicio ca aprobación da Lei Directiva Comunitaria 97/67/1997-, en consonancia ca sinerxia privatizadora iniciada en grande parte do territorio comunitario dende a década dos oitenta.
Este deterioro do servizo e das condicións laborais da plantilla[2] localízanse dun xeito moi significativo no medio rural, onde a precariedade que están a padecer as traballadoras/es de Correos identifícase en abusos como a esixencia de ter que aportar vehículo propio para facer o reparto, en ocasións tamén aportar o propio local de atención ao público a cambio dunha irrisoria compensación de 20€/mes ou zonas de reparto imposibles de realizar nunha xornada laboral, xa que poden chegar a ter 100 ou 150km. que deben facerse na mesma mañá para garantir o reparto diario en todo o territorio -na realidade hai zonas que quedan sen ser repartidas durante varios días-.
En canto ao servizo prestado, as persoas que viven no rural atópanse con oficinas de admisión de correo con horario reducido e servizos deficientes[3], unha significativa perda de contacto coa administración pública que pode repercutir negativamente na posibilidade de realizar xestións administrativas e enfróntanse mesmo á posibilidade de perder o propio servizo postal a domicilio se na súa zona se aplica a condición de “zona xeográfica especial”.
A eurodeputada de AGEe agradeceu a posibilidade de poder afondar na verdadeira situación na que se atopa este servizo público, e salientou a importancia de estender esta reivindicación á cidadanía, “todas as persoas temos dereito á igualdade nas comunicacións, vivamos onde vivamos”, lembrou, “temos que loitar con contundencia contra o desmantelamento dos servizos públicos se queremos ter un medio rural vivo”.
“Cómpre acadar unha implicación social que axude a visibilizar as actuais problemáticas e o deterioro intencionado dunha empresa que ten a responsabilidade de prestar un servizo de grandísima importancia para a cidadanía”, abondou.
No encontro mantido este venres establecéronse varias liñas de traballo a seguir, que comezará co rexistro de preguntas parlamentarias ao respecto tanto das condicións laborais das carteiras e carteiros, como da calidade do servizo prestado.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
