Burela, 9 de xuño de 2015.- Os pavillóns Monte Castelo e Vista Alegre de Burela acollerán o vindeiro domingo, 14 de xuño, a fase final da Copa Prebenxamín da Mariña.
Despois de cinco xornadas de liga a volta única, os clasificados para a rolda definitiva son:
PREBENXAMÍN 1
1. AD SANTIAGO DE FOZ
2. AD PRAIA DE COVAS
3. ADC XOVE
4. *EDM BARREIROS (renuncia á fase final)
5. ED BURELA FS
PREBENXAMÍN 2
1. MAD. BARCIA-LOURENZÁ
2. ACD XOVE
3. AD SANTIAGO DE FOZ
4. ED BURELA FS
Os cruzamentos de cada categoría serán 1º-4º e 2º-3º.
Liga 2014-15
A Fundación Impulso ao Deporte, Cultura e Turismo na Mariña apostou en 2013-14 pola organización ligueira de fútbol sala nas categorías máis pequenas para cubrir un baleiro que ata daquela existía na bisbarra. Nesta segunda tempada, a liga repetiu no panorama deportivo mariñán, dende novembro de 2014. Prebenxamín 1 estivo composta por AD Santiago de Foz, ACD Xove, AD Praia de Covas, ED Burela FS, ED Barreiros e Ribadeo FS, co título de campións para os focegos. Prebenxamín 2 contou coa representación de AD Santiago de Foz, ACD Xove, AD Praia de Covas, ED Burela FS, Escolas Celeiro SD Xove, Maderas Barcia Lourenzá e CFS Cidade de Viveiro, coa primeira praza para os laurentinos.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
